Kante បានបង្ហាញខ្លួនតែពីរដងប៉ុណ្ណោះសម្រាប់ក្រុមតោខៀវក្នុងរដូវកាលនេះ បន្ទាប់ពីមានបញ្ហារបួសសរសៃពួរក្នុងកំឡុងពេលប្រកួតជាមួយក្រុម Tottenham កាលពីខែសីហា ដែលបានធ្វើឱ្យគាត់អវត្តមានអស់រយៈពេល 7 ខែកន្លងមក។
ក្នុងអំឡុងពេលអវត្តមានរបស់គាត់លោក Thomas Tuchel ត្រូវបានបណ្តេញចេញពីតំណែងជាគ្រូបង្វឹក Chelsea ហើយជំនួសដោយលោក Graham Potter ដែលឥឡូវនេះក្នុង 11 ប្រកួតក្រោមការដឹកនាំរបស់គាត់ឈ្នះតែមួយប្រកួតតែប៉ុណ្ណោះ។
ឥឡូវនេះ Kante បានត្រលប់មកហ្វឹកហាត់វិញ ក្រោយបញ្ហារបួសសរសៃពួររបស់គាត់បានជាសះស្បើយ ហើយលោក Potter សង្ឃឹមយ៉ាងមុតមាំថា Kante អាចត្រឡប់មកជួយក្រុមអោយមានការប្រកួតប្រជែងឡើងវិញ។
កីឡាករវ័យ 31ឆ្នាំរូបនេះត្រូវបានចាត់ទុកថាជាខ្សែបម្រើប្រយុទ្ធល្អបំផុតក្នុងពិភពបាល់ទាត់ ។ គាត់គឺជាស្នូលដ៏សំខាន់មួយសម្រាប់ Chelsea ក្នុងការប្រកួតក្របខ័ណ្ឌ Premier League, Champions League, Europa League និង FA Cup ៕
