Erik ten Hag មើលទៅអាចនឹងបន្តការចំណាយដ៏ច្រើនបន្ថែមទៀតនៅមុនរដូវកាល 2023-24 ខាងមុខនេះ។
កាលពីរដូវកាលមុនគ្រូបង្វឹក Man Utd លោក Erik ten Hag បានចំណាយប្រាក់មួយចំនួនធំក្នុងការនាំយក Antony, Casemiro និង Lisandro Martinez ដើម្បីមកជួយក្រុមអោយមានភាពល្អប្រសើរឡើងវិញ។
បន្ទាប់ពីការចាកចេញរបស់ខ្សែប្រយុទ្ធ Edinson Cavani និង Cristiano Ronaldo ។ លោក Ten Hag បានសម្រេចខ្ចីជើងកីឡាករ Wout Weghorst ពីក្លឹប Burnley មកបំពេញចន្លោះប្រហោង។
យោងតាមសារព័ត៌មាន Manchester Evening News បានរាយការណ៍ថា ក្នុងបញ្ជីសម្រាប់ទីផ្សារដោះដូរកីឡាករនាពេលខាងមុខរួមមាន Harry Kane និង Victor Osimhen ។
Harry Kane គឺជាជម្រើសមួយសម្រាប់តំបន់ប្រយុទ្ធកណ្ដាលដែលក្លឹបបិសាចក្រហមត្រូវការ។ ទោះបីជា Kane មានវ័យ 29ឆ្នាំក៏ដោយ ក៏ប៉ុន្តែគាត់នៅតែបង្ហាញទម្រង់លេងបានយ៉ាងល្អនៅ Premier League ។ គាត់គឺជាកីឡាករម្នាក់ដែលបានបង្កើតកំណត់ត្រាគ្រាប់បាល់បានច្រើនជាងគេក្នុងក្លឹប Tottenham Hotspur។
ទន្ទឹមនឹងនោះ Osimhen មានវ័យ 24 ឆ្នាំដែលជាកីឡាកររបស់ Napoli កំពុងមិនចុះសម្រុងជាមួយថ្នាក់ដឹកនាំរបស់លីគអ៊ីតាលី Serie A ស្របពេលដែរ Man Utd កំពុងតែខ្វះកីឡាករតំបន់ប្រយុទ្ធ៕
