ភ្នំពេញ៖ ក្នុងទិសដៅអភិវឌ្ឍន៍ស្តង់ដារសកលនៃការថែទាំព្យាបាល ផ្នែករូបភាពវេជ្ជសាស្ត្រនៃមន្ទីរពេទ្យកាល់ម៉ែត បានទទួលការផ្តល់ជូនម៉ាស៊ីនអេកូថ្មីចំនួន០២គ្រឿងបន្ថែមទៀត ពីថ្នាក់ដឹកនាំមន្ទីរពេទ្យ ដើម្បីឆ្លើយតបទៅតំរូវការជាក់ស្តែងក្នុងផ្នែកក្នុងពេលដែលសេវាកម្មរបស់ផ្នែកមានការកើនឡើង។ ម៉ាស៊ីអេកូដែលផ្តល់រូបភាពច្បាស់ ងាយស្រួលក្នុងការធ្វើរោគវិនិច្ឆ័យ រួមផ្សំដោយវេជ្ជបណ្ឌិតឯកទេសដែលមានបទពិសោធន៍ និងមានជំនាញច្បាស់លាស់ អាចធ្វើរោគវិនិច្ឆ័យបានមានដូចជា ក្រពេញទីរ៉ូអិត ដុំសាច់នៅតំបន់ក សុដន សន្លាក់ សរីរាង្គក្នុងពោះ មាន ថ្លើម ប្រមាត់ លំពែង តម្រង់នោម ផ្លោកនោម ក្រពេញប្រូស្តាត ស្បូន ដៃស្បូន ផ្ទៃពោះ ព្រមទាំងសរសៃរឈាមទៀតផង។ល។
មន្ទីរពេទ្យកាល់ម៉ែតនៅតែបន្តការអភិវឌ្ឍន៍បច្ចេកវិទ្យាថ្មីៗបន្ថែមទៀត ក្នុងទិសដៅគ្របដណ្តប់សេវាសុខាភិបាលគ្រប់ជ្រុងជ្រោយ ជូនតាមតម្រូវការរបស់ប្រជាពលរដ្ឋយើង៕
