កំពង់ស្ពឺ៖ ថ្ងៃទី០៨ ខែមករា ឆ្នាំ២០២៥ វេលាម៉ោង ០៩និង៣០នាទី កម្លាំងអធិការដ្ឋាននគរបាលស្រុកសាមគ្គីមុនីជ័យសហការជាមួយកម្លាំងអធិការដ្ឋានក្រុងឧដុង្គម៉ែជ័យបានចុះទៅដល់វិទ្យាល័យហ៊ុនសែនបាត់ដឹងដោយសហការជាមួយលោកគ្រូនាយកសាលាស្រាវជ្រាវរកកូនសិស្សឃេីញចំនួន០២នាក់ដែមានរូបភាពបង្ហោះម៉ូតូ នៅចំណុចផ្លូវជាតិលេខ51ស្ថិតនៅភូមិពោធិ៍ ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ។
១.ឈ្មោះ ង ស ណា ភេទប្រុស អាយុ១៥ឆ្នាំ ជាសិស្សរៀនថ្នាក់ទី10B (ម្ចាស់ម៉ូតូ)
២.ឈ្មោះ ស ស ភ ភេទប្រុស អាយុ១៦ឆ្នាំ ជាសិស្សថ្នាក់ទី11D (អ្នកជិះពីក្រោយ)
តាមការសាកសួរក្មេងទាំង២នាក់ខាងលេីបានសារភាពថា វីដេអូដែលបង្ហោះម៉ូតូថតបង្ហោះនៅក្នុងបណ្តាញសង្គមពិតជារូបពួកគេបានបង្ហោះកាលពីអំឡុងឆ្នាំ២០២២-២០២៣ និងមិត្តភក្តិម្នាក់ទៀតឈ្មោះ រ វ ណ បានឈប់រៀនហេីយ។ ដកហូតម៉ូតូ០១គ្រឿងម៉ាកហុងដាC125 ពណ៌ខ្មៅ សេរីឆ្នាំ2017 ពាក់ផ្លាកលេខ កំពង់ស្ពឺ 1K-8671 ។ បច្ចុប្បន្នក្មេងទាំង២នាក់ខាងលេីបានហៅមកសាកសួរបំភ្លឺនៅអធិការដ្ឋាននគរបាលស្រុកសាមគ្គីមុនីជ័យ។
នៅវេលាម៉ោង១៧.០០នាទីថ្ងៃខែឆ្នាំដដែល បានហៅអាណាព្យាបាលរបស់ក្មេងទាំងពីរខាងលើ មកធានា និងធ្វើកិច្ចសន្យាអប់រំមិនអោយប្រព្រឹត្តសកម្មភាពដូចខាងលើទៀតទេ។ ចំណែកម៉ូតូត្រូវបានរក្សាទុកនៅអធិការដ្ឋាននគរបាលស្រុកសាមគ្គីមុនីជ័យបណ្តោះអាសន្នមួយរយៈ៕
