ការបង្ករោគពីធ្មេញអាចមានគ្រោះថ្នាក់ដល់ជីវិត!

0

ភ្នំពេញ៖ នៅ​ពេល​លោក​អ្នក​ឈឺធ្មេញ​បង្ករ​រោគ ហើយ​មាន​សភាព​ហើម​មុខ លឹប​ភ្នែក ឬ​ហើម​តំបន់​ក្រោម​ឆ្អឹងថ្គាម ឬ​ចង្កា ដែល​ប៉ះពាល់​និង​ពិបាក​ដល់​ការ​លេប​ចំណីអាហារ ឬ​ទឹកមាត់ (​មាន​ន័យ​ថា​ប៉ះពាល់​ដល់​ផ្លូវ​ដកដង្ហើម​) សូម​ប្រញាប់​មក​ជួប​ទន្ត​បណ្ឌិត ឬ​គ្រូពេទ្យ​ជំនាញ​នៃ​មន្ទីរពេទ្យ​កាល់​ម៉ែ​ត ព្រោះ​អ្នកជំងឺ​អាច​ស្លាប់​បាន ប្រសិនបើ​មិន​ទទួល​ការ​ការ​ព្យាបាល​បាន​ត្រឹមត្រូវ​។

១) មូលហេតុ​ធំ​ៗ និង​សំខាន់​ៗ៖
– ការ​បង្ក​រោគ​ចុង​ឬ​ស​ធ្មេញ​ស្រួច​ស្រាវ ដោយសារ​ការ​ងាប់​បណ្ដូល​ធ្មេញ ឬ​ការ​ព្យាបាល​រន្ធ​ឬ​ស​ធ្មេញ​មិន​បាន​ត្រឹមត្រូវ
– ជំងឺ​រលាក​ជាលិកា​ជុំវិញ​ធ្មេញ​ដែល​បង្ក​ជា​ខ្ទុះ
– ការ​រលាក​សាច់​ដែល​គ្រប​ពីលើ​ធ្មេញ​ថ្គាមទាល់​ខាងក្រោម​ដែល​ដុះ​ចេញ​មក
– ការ​ប្រើប្រាស់​ឧបករណ៍​មិន​ស្អាត (​មិន​បាន​សំលាប់​មេរោគ​ឲ្យ​បាន​ត្រឹមត្រូវ​) មេរោគ​អាច ឆ្លង​ចូល​តាម​ចរន្ត​ស​សៃ​ឈាម

May be an image of 1 person, hospital and text that says 'ការបង្ករោគចេញពីផ្វេ ការបង្ករោគចេញពីធ្មេញថ្ជាមខាងក្រ ញថ្កាមខាងក្រោម submasseteric abscess a masseter muscle H f CALMETTEHOSPITALPAGE CALMETTE HOSPITAL PAGE'

២) កត្តា​បង្ក​គ្រោះថ្នាក់​ដល់​អាយុជីវិត​៖
ប្រសិនបើ​មិន​ព្យាបាល​ឲ្យ​ទាន់​ពេលវេលា​ទេ​នោះ​មេរោគ (Bacteria) ដែល​បង្ក​ឲ្យ​មានការ​ករ​ខ្ទុះ​អាច​រីក​រាលដាល​ពី​តំបន់​ធ្មេញ ទៅ​កាន់​តំបន់​ផ្សេង​ៗ​ទៀត​ដូច​ជាៈ
• ផ្នែក​ធ្មេញ​ខាងលើៈ នាំ​ឲ្យ​ហើម​មុខ​ជុំវិញ​ភ្នែក រួច​ឆ្លង​ចូល​ទៅ​តំបន់ Cavernous Sinus និង​អាច​ឆ្លង​ចូល​ទៅ​កាន់​ខួរក្បាល​។
• ផ្នែក​ធ្មេញ​ខាងក្រោមៈ នាំ​ឲ្យ​ហើម​តំបន់​ក្រោម​ចង្កា និង តំបន់​ឆ្អឹងថ្គាម​ក្រោម (​ធ្វើ​ឲ្យ​ពិបាក​លេខ​ទឹកមាត់ និង​ស្ទះផ្លូវ​ដង្ហើម​) ហើយ​អាច​រីក​រាលដាល​ដល់​តំបន់​ទ្រូង (Mediastinum) និង Infective Endocarditis​។ មួយវិញទៀត​មេរោគ​អាច​ចូល​ទៅ​ក្នុង​ឈាម​ដោយ​ផ្ទាល់ (Septicemia)​។

May be an image of 1 person and text

៣) ការ​ព្យាបាល​៖
ការ​ព្យាបាល​អាច​ធ្វើ​ទៅ​តាម​ដំណាក់កាល​ដូច​ខាងក្រោមៈ
– ធ្វើការ​ចោះ​បង្ហូរ​ខ្ទុះ​រួច​លាង​សំអាត​ឲ្យ​ត្រឹមត្រូវ
– ការ​យក​ខ្ទុះ​ទៅ​វិភាគ​រក​មេរោគ និង​ការ​ប្រើប្រាស់​ថ្នាំ​សះ​ត្រឹមត្រូវ
– យក​មូលហេតុ​ដែល​បង្ក​រោគ​ចេញៈ ដោយ​ការ​ព្យាបាល​ធ្មេញ ឬ​ដក​ធ្មេញ​នោះ​ចេញ​តែ​ម្តង
– ការ​ប្រើប្រាស់​ថ្នាំ
– សំរាប់​អ្នកជំងឺ​ដែល​មាន​ជំងឺ ដូច​ជា ជំងឺលើសឈាម ជំងឺ​ទឹកនោមផ្អែម និង ជំងឺ​គួប​ផ្សំ​ផ្សេង​ៗ ដែល​មាន​មក​ជាមួយ​អ្នកជំងឺ​ស្រាប់​ត្រូវការ ការ​ព្រឹក្សា​បន្ថែម​ជាមួយ វេជ្ជបណ្ឌិត​ឯកទេស បន្ថែម​លើ​ការ​ព្យាបាល និង​ក្នុង​ករណី​ធ្ងន់ធ្ងរ​ត្រូវ​សម្រាក​ព្យាបាល​នៅ​មន្ទីរពេទ្យ ។

May be an image of xray and text

៤) អនុសាសន៍ និង​ការ​ការពារ​៖
– សូម​ជួប​ជាមួយ​ទន្ត​បណ្ឌិត ឬ​គ្រូពេទ្យ​ជំនាញ​ពេល​លោក​អ្នកមាន​បញ្ហា​ធ្មេញ ឬ​ហើម​មុខមាត់ ជៀសវាង​ការ​ប្រើប្រាស់​ថ្នាំ​ដោយ​ខ្លួនឯង​។
– បញ្ហា​មាត់​ធ្មេញ​អាច​បង្ក​គ្រោះថ្នាក់​ដល់​អាយុជីវិត​សូម​មក​ជួប​ជាមួយ​ទន្ត​បណ្ឌិត ជា​រៀង​រាល់ ៦​ខែ​ម្តង ដើម្បី​ពិនិត្យ​សុខភាព​មាត់​ធ្មេញ​លោក​អ្នក​៕

ប្រភព៖ មន្ទីរពេទ្យកាល់ម៉ែត – Calmette Hospital

May be an image of 1 person and text that says 'ការបង្ករោគចេញពីធ្មេញថ្កាមខាងលើ ធ្មេញ តាមរយៈចរន្តឈាមទៅកាល់ ingointobloodvesseltr ng 0 into lood vessel buccinator muscle accumulation of pus in deep tissues f CALMETTEHOSPTALPAGE CALMETTE HOSPITAL FAGE'