The Mirror សារព័ត៌មាននៃចក្រភពអង់គ្លេសចេញផ្សាយនៅថ្ងៃសៅរ៍ទី១២ខែមករានេះបានឲ្យដឹងថាក្រុមហ៊ុនដែលមានឈ្មោះថា Bell បានដាក់បង្ហាញអេឡាកុបទ័រម៉ូដែលថ្មីរបស់ខ្លួននៅឯពិធីតាំងពិរពណ៍CES 2019ហើយបានធ្វើឲ្យគ្រប់គ្នាមានការភ្ញាក់ផ្អើលនិងចាប់អារម្មណ៍បំផុតទៅលើរូបរាងរបស់វា។
វាត្រូវបានក្រុមហ៊ុនដាក់ឈ្មោះថាBell Nexusគឺជាគំរូម៉ូដែលផលិតឡើងសម្រាប់ប្រើប្រាស់ជាយន្តហោះគ្មានមនុស្សបើកសម្រាប់ដឹកអ្នកដំណើរហើយក្រុមហ៊ុនអះអាងថាវានឹងអាចចាប់ផ្តើមប្រតិបត្តិការរបស់នាឆ្នាំ២០២៥ខាងមុខនេះ។
ប្រភពដដែលបានសរសេរទៀតថាក្រុមហ៊ុនជាច្រើនដែលបានបង្ហាញការចាប់អារម្មណ៍ចង់ទាក់ទងចុះកុងត្រាជាមួយនឹងយន្តហោះប្រភេទនេះក្នុងនោះមានដូចជាក្រុមហ៊ុនហៅរថយន្តតាក់ស៊ីUberជាដើមផង។សមត្ថភាពរបស់Bell Nexusអាចហោះហើរបានក្នុងល្បឿន១៥០ម៉ាលក្នុងមួយម៉ោងហើយត្រូវការចាក់សាំងបន្ថែមរៀងរាល់ការធ្វើដំណើរបាន១៥០ម៉ាល៕
ប្រែសម្រួល៖ Mr Lee
