សប្តាហ៍នេះក្រុមហ៊ុនស្រាវជ្រាវអាវកាសឯកជនធំបំផុតលើលោកSpace Xបានបញ្ចប់ការងារសាងសង់យានអាវកាសដ៏អស្ចារ្យមួយដែលស្ថាបនិកក្រុមហ៊ុនលោក Elon Musk បានហៅវាថា test hopper។
Test hopper ត្រូវបានគេជឿជាក់ថាជាយានអាវកាសសម្រាប់ធ្វើតេស្តប៉ុន្តែជាគម្រូយានអាវកាសសម្រាប់សម្រេចផែនការរបស់លោកElon Muskក្នងការបញ្ជូនក្រុមអ្នកទេសចរណ៍ទៅកាន់ភពអង្គារនាពេលខាងមុខដោយរយៈពេលចុងក្រោយនេះលោកMuskបាននិយាយថាtest hopperនឹងចាប់ផ្តើមធ្វើការបាញ់បង្ហោះរបស់ខ្លួនជាលើកដំបូងនៅរដ្ឋតិចសាស់នៅប៉ុន្មានសប្តាហ៍ទៀតប៉ុណ្ណោះ។
The Business insiderចេញផ្សាយនៅថ្ងៃសៅរ៍ទី១២ខែមករានេះបានឲ្យដឹងថាកាលពីសប្តាហ៍មុនលោកElon Muskបានធ្វើការបង្ហាញនូវរូបភាពគំនូរនៃយាននិងគ្រាប់រ៉ូកែតសម្រាប់test hopperប៉ុន្តែនៅយប់ថ្ងៃព្រហស្បតិ៍លោកMuskក៏បានធ្វើការបង្ហាញពីរូបភាពពិតនៃយានអាវកាសមួយនេះជាមួយនឹងទំហំជាក់ស្តែងផងដែរទៅកាន់អ្នកតាមដានទាំងឡាយ។
យានអាវកាសដែលនឹងត្រូវធ្វើការសាកល្បងលើកនេះក្នុងរយៈកំពស់ត្រឹមតែ១៦៤០០ហ្វីតប៉ុណ្ណោះដើម្បីវាស់វែងដល់ការរចនានិងបន្ថែមការងារទៅលើយានអាវកាសជាក់ស្តែងដែលនឹងប្រើប្រាស់សម្រាប់បញ្ចូនអ្នកដំណើរទៅកាន់ភពអង្គារនាពេលខាងមុខដ៏ឆាប់។យានអាវកាសនឹងអាចផ្ទុកអ្នកដំណើរសរុបប្រមាណជា១០០នាក់ជាមួយនឹងកំពស់១៨ជាន់វាក៏អាចផ្ទុកទំងន់សុរបដល់ទៅ១៥០តោនផងដែរ៕
ប្រែសម្រួល៖ Mr Lee
