ភ្នំពេញ៖ នាយឧត្តមសេនីយ៍ នេត សាវឿន អគ្គស្នងការនគរបាលជាតិបានសម្រេចដកឋានន្តរស័ក្តិមន្រ្តីមន្ទីរប្រឆាំងគ្រឿងញៀនម្នាក់និងនគរបាលប្រឆាំងបទល្មើសសេដ្ឋកិច្ចម្នាក់ទៀតដែលបានប្រព្រឹត្តល្មើសវិន័យនគរបាលជាតិ។
យោងតាមសេចក្ដីសម្រេចរបស់នាយឧត្តមសេនីយ៍ នេត សាវឿន អគ្គស្នងការនគរបាលជាតិបានឲ្យដឹងថាមន្ដ្រីនគរបាលដែលត្រូវដកស័ក្តិនោះ រួមមានទី១៖អនុសេនីយ៍ឯក ពិន សុភ័ក្រ្ក មន្ដ្រីនៃនាយកដ្ឋាននគរបាលប្រឆាំងបទល្មើសសេដ្ឋកិច្ច ឲ្យមកនៅត្រឹមថ្នាក់អនុសេនីយ៍ទោ និងទី២៖អនុសេនីយ៍ឯក ស្រី វាសនា មន្ដ្រីនៃមន្ទីរប្រឆាំងគ្រឿងញៀន ឲ្យមកនៅត្រឹមថ្នាក់អនុសេនីយ៍ទោ៕
