TheMirrorសារព័ត៌មាន នៃចក្រភពអង់គ្លេសចេញផ្សាយនៅថ្ងៃព្រហស្បតិ៍ទី១០ខែមករានេះបានឲ្យដឹងថាខ្មោចម៉ាំមីបុរាណអាយុកាលរាប់រយឆ្នាំមួយនៅអេហ្ស៊ីបត្រូវបានគេរកឃើញនិងជឿជាក់ថាជាបុព្វជីតដែលមានឈ្មោះថាNespameduគឺជាពេទ្យភ្នែកផ្ទាល់របស់ស្តេចផារ៉ាអុង។
ប្រភពដដែលបានសរសេរទៀតថាខ្មោចម៉ាំមីនេះមានអាយុកាលជាង២០០០ឆ្នាំមកហើយគឺជាគ្រូពេទ្យភ្នែកផ្ទាល់ដ៏សំខាន់ម្នាក់របស់ស្តេចផារ៉ាអុង។ក្រុមអ្នកបុរាណវិទូមកពីសកលវិទ្យាល័យMadrid National Archaeology Museumគឺជាអ្នកទទួលខុសត្រូវក្នងការសិក្សាសាកសពម៉ាំមីនេះតាំងតែពីឆ្នាំ២០១៦មកម្ល៉េះប៉ុន្តែទើបតែត្រូវបានយកមកធ្វើការសន្និដ្ឋានថាជាគ្រូពេទ្យភ្នែករបស់ស្តេចផារ៉ាអុងនាសម័យនោះ។
ខ្មោចម៉ាំមីដែលត្រូវនាំយកមកទីក្រុងCairoទៅកាន់ប្រទេសអេស្បាញនៅក្នុងឆ្នាំ១៩២៥មុនដែលត្រូវបានធ្វើការអះអាងជាផ្លូវការថាជាគ្រូពេទ្យដែលមានឈ្មោះថាNespameduជាពេទ្យភ្នែកជំនិតរបស់ស្តេចផារ៉ាអុងនៅក្នុងទីក្រុងAlexandriaនៅចន្លោះឆ្នាំ៣០០ទៅ២០០ឆ្នាំមុនគ្រិស្តសករាជ៕
ប្រែសម្រួល: Mr Lee
