ក្រុមហ៊ុនApple មិនបានបង្ហាញថេប្លេតថ្មីរបស់ខ្លួន នៅក្នុងព្រឹត្តការណ៍នាខែកញ្ញានោះទេ ប៉ុន្តែមានពាក្យចចាមអារ៉ាមជាច្រើនថានឹងមានចេញនូវគំរូiPad Proក្នុងខែនេះ។ ម៉ូដែលថ្មីនេះត្រូវបានលេចធ្លាយរូបភាព ជាមួយនិងទំហំអេក្រង់ 12,9អ៊ីញ មានគែមស្តើង ហើយគ្មានប៊ូតុងHomeទេ។
iPad Proថ្មីនេះគេរំពឹងថានឹងមានមុខងារ Face ID ហើយស៊ែនស័រនេះអាចនឹងត្រូវបំពាក់នៅគែមខាងលើនៃអេក្រង់។ ថេប្លេតថ្មីនេះអាចនឹងបំពាក់មកជាមួយនូវApple Pencil ប៉ុន្តែវានឹងមិនមានរន្ធដោតកាស3.5mmទៀតទេ៕
