អ្នកប្រើប្រាស់បណ្តាញសង្គមហ្វេសប៊ុក នៅទូទាំងពិភពលោក ត្រូវបានចេញពីគណនីរបស់ពួកគេដោយស្វ័យប្រវត្តិ នៅថ្ងៃសៅរ៍ (២៣ មករា) ។
សំណួរជាច្រើនបានចោទសួរនៅលើបណ្តញសង្គមនានាថា “ហេតុអ្វីបានជាហ្វេសប៊ុកនាំខ្ញុំចេញ?” ខណៈដែលអ្នកប្រើប្រាស់ហ្វេសប៊ុក កំពុងស្វែងរកប្រភពមូលហេតុនៃបញ្ហានេះ។
មនុស្សជាច្រើនបានប្រើ Twitter ដើម្បីបង្ហាញពីការខកចិត្តរបស់ពួកគេ។ អ្នកប្រើប្រាស់មួយចំនួនបានត្អូញត្អែរ ពីការចាកចេញដោយស្វ័យប្រវត្តិ ហើយត្រូវបានស្នើសុំឱ្យបញ្ចូលពាក្យសម្ងាត់របស់ពួកគេឡើងវិញ។
អ្នកផ្សេងទៀតនិយាយថា ពួកគេមិនអាចកំណត់លេខកូដសំងាត់ឡើងវិញបានទេ។ យោងតាមគេហទំព័រ Downdetector.com បានបង្ហាញពីការកើនឡើងយ៉ាងខ្លាំងនៅអំឡុងម៉ោងប្រហែល ១០:៣០ ព្រឹក។
មានរបាយការណ៍ជាង ៤,៨០០ ត្រូវបានគេកត់ត្រាទុកនៅប្រហែលម៉ោង ១១:២០ នាទីព្រឹក។
ក្រុមហ៊ុនហ្វេសប៊ុកបាននិយាយ នៅលើបណ្តាញសង្គម Twitter ថាខ្លួនបានដឹងអំពីបញ្ហានេះហើយ។
របាយការណ៍នោះបាននិយាយថា «យើងកំពុងពិនិត្យមើលរបាយការណ៍ អំពីមនុស្សដែលត្រូវបានចាកចេញ ហើយត្រូវតែព្យាយាមចូលម្តងទៀត ដើម្បីចូលប្រើគណនីហ្វេសប៊ុករបស់ពួកគេ» ។
«យើងកំពុងធ្វើការដើម្បីដោះស្រាយបញ្ហានេះ ឱ្យបានឆាប់តាមដែលអាចធ្វើទៅបាន។ សូមអរគុណចំពោះការអត់ធ្មត់របស់អ្នក »៕
ប្រភព៖ CNA
