កីឡាករខ្សែការពារកណ្តាល Emerson វ័យ២៦ឆ្នាំដែលកំពុងលេងឲ្យក្លឹបតោខៀវ Chelsea ត្រូវបានគេជឿជាក់ថា នឹងអាចផ្ទេរទៅលេងនៅអ៊ីតាលី Serie A ហើយនៅរដូវកាលក្រោយក្នុងពេលដែលក្លឹប Inter Milan ពិតជាបានបង្ហាញបំណង ចង់បានរូបគាត់ពិតមែន។
ភ្នាក់ងាររបស់កីឡាករ Emerson នៅថ្ងៃនេះបានអះអាងថា Inter Milan ពិតជាបានទាក់ទងមកលោកពិតមែន ដើម្បីបញ្ជាក់ពីផែនការរបស់ក្លឹបសម្រាប់កីឡាករ ប៉ុន្តែក៏បញ្ជាក់ដែរថាកិច្ចពិភាក្សារវាងក្លឹបអ៊ីតាលីនិងតោខៀវ Chelsea គឺមិនទាន់ត្រូវបានពិភាក្សានៅឡើយដែរ។
គួរឲ្យដឹងដែរថា Emerson បានផ្ទេរមកដល់ Stamford Bridge កាលពីខែមករាឆ្នាំ២០១៨ ជាមួយនឹងតម្លៃខ្លួន ប្រមាណជា១៧,៥លានផោន ប៉ុន្តែមកដល់ពេលនេះគាត់មិនអាចបំពេញតាមការរំពឹងទុករបស់ក្លឹបបានឡើយ ហើយកាលពីរដូវកាលមុនអាចបង្ហាញខ្លួនបានតែ ១៥ដងប៉ុណ្ណោះក្នុងលីគ៕
ប្រែសម្រួល៖ Lee
