យោងតាមរបាយការណ៍ពី Sky Sport France បានឱ្យដឹងថា Chelsea គ្រោងនឹងបង្កើនការតាមប្រមាញ់អ្នកចាំទី AC Milan កីឡាករ Mike Maignan ដែលត្រូវបានគេរាយការណ៍ថាបានជូនដំណឹងដល់ Rossoneri អំពីការសម្រេចចិត្តរបស់គាត់ក្នុងការមិនបន្តកិច្ចសន្យា ដែលនឹងផុតកំណត់នៅចុងបញ្ចប់នៃរដូវកាលនេះ។
ក្រុមតោខៀវមានបំណងចង់ទទួលបានសេវាកម្មរបស់កីឡាករអន្តរជាតិបារាំង ហើយបើកចំហរក្នុងការចែកផ្លូវជាមួយកីឡាករ Filip Jorgensen ដែលស្ថិតនៅក្រៅជម្រើស។
យោងតាមរបាយការណ៍មួយផ្សេងទៀតបានឲ្យដឹថា Maignan បានបង្ហាញឆន្ទៈក្នុងការពិភាក្សាជាមួយក្លឹបធំៗជុំវិញការផ្លាស់ប្តូរមួយនៅរដូវក្តៅក្រោយ ដោយ Juventus ក៏រក្សាចំណាប់អារម្មណ៍ផងដែរ៕
