បេក្ខភាពប្រធានក្លឹបថ្មីរបស់ Barcelona លោក Jordi Farre នៅថ្ងៃនេះបានធ្វើការប្រកាសហើយថា លោកនឹងចេញមុខមុនគេក្នុងការធ្វើការបោះឆ្នោតក្នុងប្រឆាំងទៅនឹងប្រធានក្លឹបបច្ចុប្បន្ននិងសុំឲ្យគាត់ធ្វើការចុះចេញពីតំណែងផងដែរ។
លោក Bartomeu ប្រធានក្លឹបបច្ចុប្បន្នកំពុងតែរងសំពាធខ្លាំងមែនទែន ចំពោះបញ្ហាកែទំរង់លេងរបស់ក្លឹប ដោយក្នុងនោះក្រោយពេលដែលប្រកាសបណ្តេញគ្រូបង្វឹកនិងប្រធានផ្នែកបច្ចេកទេសរួចមកសំពាធកាន់តែខ្លាំងនៅបេលដែល Messi បានបញ្ជាក់យ៉ាងច្បាស់ថានឹងមិនបន្តកុងត្រាថ្មីជាមួយនឹងក្លឹបឡើយ ហើយថែមទាំងមានបំណង ចង់លុបកុងត្រាដែលនៅសល់ផងដែរ។
លោក Farre បានអះអាងទៀតថាមនុស្សជាច្រើននៅក្នុងក្លឹបដែលជាសមាជិកគឺមិនមានទំនុកចិត្តទៀតឡើយចំពោះលោក Bartomeu ហើយគាត់នឹងរៀបចំការបោះឆ្នោតមួយដើម្បីទំលាក់ប្រធានក្លឹបរូបនេះ ទោះបីជាការបោះឆ្នោតជ្រើសរើសប្រធានក្លឹបថ្មី នឹងធ្វើឡើងនៅក្នុងខែមិនាខាងមុខក្តី៕
ប្រែសម្រួល៖ Lee
