Phillpe Coutinho អតីតកីឡាករខ្សែប្រយុទ្ធក្លឹបហង្សក្រហម Liverpool បានសម្រេចចិត្តបន្តលេងនៅជាមួយនឹង Bayern Munich មួយរយៈខ្លីបន្ថែមទៀតដើម្បីអាចលេងជាមួយនឹងក្លឹបក្នុងពានរង្វាន់ German Cup វគ្គផ្តាច់ព្រ័ត្រនិងជាពិសេសវគ្គបន្ទាប់នៃ Champion League ផង។
កីឡាករCoutinho ត្រូវបានគេជឿជាក់ថាជាកីឡាករម្នាក់ក្នុងចំណោមកីឡាករខ្ចីជើងចំនួន៣នាកដែលក្លឹប Bayern Munich បានយល់ព្រមក្នុងការបន្តកុងត្រាជាមួយនឹងការកាត់ប្រាក់កម្រៃដ៏ច្រើនដើម្បីអាចបន្តលេងរដូវកាលនេះជាមួយនឹងខ្លួន។
គួរបញ្ជាក់ដែរថាកីឡាកររូបនេះបានបង្ហាញខ្លួនដំបូងឲ្យក្លឹបក្នុងនាមជាកីឡាករខ្ចីជើងតាំងតែពីដើមខែមិនាក្នុងជ័យជំនះលើក្រុម Wolfsburg ក្នុងលទ្ធផល៤ទល់នឹង០។មកដល់ពេលនេះកីឡាករវ័យ២៨ឆ្នាំរូបនេះដែលរកបានប្រាក់កម្រៃ២០ម៉ឺនផោនក្នុងមួយសប្តាហ៍គឺនឹងអាចទទួលបានប្រាក់កម្រៃតិចជាងនេះពាក់កណ្តាលដើម្បីអាចបន្តលេងមួយរយៈទៀតមុនការសម្រេចចិត្តចុងក្រោយត្រឡប់ទៅ Real Madrid ឬក្លឹបថ្មីនាពេលខាងមុខ៕
ប្រែសម្រួល៖ Lee
