គ្រូបង្វឹកក្លឹបមេឃខៀវ Man City លោក Pep Guardiola នៅថ្ងៃនេះបានធ្វើការបញ្ជាក់យ៉ាងច្បាស់ហើយថាទ្វាសម្រាប់ការវិលត្រឡបរបស់កីឡាករខ្សែប្រយុទ្ធវ័យក្មេង Jadon Sancho គឺមិនត្រូវបានបើកនោះទេនៅរដូវក្តៅនេះ។
កីឡាករអង់គ្លេសវ័យ២០ឆ្នាំរូបនេះបានចាកចេញទៅលេងជាមួយនឹង Borrussia Dortmund កាលពី៣ឆ្នាំកន្លងទៅបន្ទាប់ពីបានបដិសេធមិនព្រមបន្តកុងត្រាថ្មីជាមួយនឹងកីឡាដ្ឋាន Etihad ។រដូវកាលនេះកីឡាករផ្ទាល់បានបង្ហាញពីបំណងចង់វិលត្រឡប់យ៉ាងខ្លាំងមកអង់គ្លេសវិញខណៈដែលក្លឹបជាច្រើនសុទ្ធតែបានដាក់ពាក្យស្នើសុំចរចាដោយក្នុងនោះជាពិសេសគឺក្លឹប Man City, Chelsea និង Man United។
មកដល់នាទីចុងក្រោយនេះមានតែក្លឹបបិសាចក្រហម Man United មួយប៉ុណ្ណោះដែលបានហ៊ានឲ្យកញ្ចប់ថវិកាសម្រាប់តម្លៃខ្លួនដល់ទៅ១០០លានផោនសម្រាប់ Dortmund ៕
ប្រែសម្រួល៖ Lee
