ក្រុម Manchester United នឹងបង្កើនការដេញថ្លៃទៅកីឡាករ Jack Grealish ក្នុងតម្លៃផ្ទេរ ៧៥លានផោន បន្ទាប់ពីទទួលបានព័ត៌មាន ថា Jadon Sancho នឹងមិនចាកចេញពី Borussia Dortmund នារដូវកាលនេះ។
ខ្សែស្លាប្រយុទ្ធសញ្ជាតិអង់គ្លេស Sancho មានតម្លៃជាង ១០០លានផោន ដែលជាគោលដៅរបស់បិសាចក្រហម ចង់បានក្នុងទីផ្សាផ្ទេរ ។ប៉ុន្តែសារព័ត៌មាន The Mirror បានចុះថា Sancho នឹងចុះកុងត្រាជាមួយពហុកីឡដ្ឋាន អូត្រាហ្វត ប្រសិនបើពួកគេនឹងអាចលេងក្នុងពានយូហ្វាឆេមពានលីក នារដូវកាលក្រោយ។
ទោះបីជាយ៉ាងណានាពេលនេះ ក្លិបដែលឈ្នះពានច្រើននេះ កំពុងផ្តោតទៅលើខ្សែបម្រើរបស់ Aston Villa គឺ Grealish ដែលជាគោលដៅ របស់ក្លិបជាង១ឆ្នាំហើយ។ដំណឹងចុងក្រោយ Dortmund ទទូចថា Sancho អាយុ ២០ ឆ្នាំនឹងនៅជាមួយពួកគេរយៈពេលមួយឆ្នាំទៀតទោះបីមានការចាប់អារម្មណ៍ពី United, Manchester City និង Chelsea ក៏ដោយ។Sebastian Kehl បានលើកឡើងថាពួកគេកំពុងរៀបផែនការថ្មី ឲ្យ Sancho បន្តរួមរស់ជាមួយពួកគេនារដូវក្រោយទៀត៕
