Atletico Madrid បានកំណត់គោលដៅលើ Duvan Zapata ប៉ុន្តែ Atalanta ចង់បានយ៉ាងហោចណាស់ ៦០ លានផោនសម្រាប់ខ្សែប្រយុទ្ធកូឡុំប៊ី។
កីឡាករអាយុ ២៩ឆ្នាំនេះ មានបញ្ហាតិចតួច នៅរដូវកាលនេះ ប៉ុន្តែនៅតែអាចជួយរកគ្រាប់បាល់ ១២គ្រាប់ និងបញ្ចូនបាល់ផ្តាច់ទី ៧លើក ក្នុងការបង្ហាញខ្លួនលេង ១៩លើក។
យោងតាម Sport Mediaset បានអោយដឹងថារឿងនេះបានធ្វើឱ្យ Atletico Madrid និង Diego Simeone កោតសរសើរ ចំពោះសមត្ថភាពកីឡាករខាងលើ ។
សម្រាប់ Atalanta បានចំណាយថវិកា ២៦លានអឺរ៉ូ យក Duvan Zapata ពី Sampdoria ហើយអាចឈានដល់ ៦០លានអឺរ៉ូ បើសិនជាចាកចេញពី Bergamo រដូវកាលនេះ ។
Atalanta បានឈានដល់ វគ្គ១៦ក្រុមចុងក្រោយនៃ Champions League ហើយបច្ចុប្បន្នកំពុងអង្គុយនៅលេខ ៤ នៅ Serie A ដូច្នេះមិនមានការប្រញាប់លក់នោះទេ ៕
