ខ្សែការពារ Christian Mbulu របស់ក្លិប Morecambe ដែលជាលីកទី២របស់អង់គ្លេស បានស្លាប់នៅរសៀលថ្ងៃអង្គារ ក្នុងអាយុ ២៣ឆ្នាំ។
អតីតកីឡាករ ក្លិប Millwall បានចូលរួមលេងជាមួយក្លិបដែលមានឈ្មោះក្រៅហៅថា បង្កង កាលពីខែមករា ក្រោយចាកចេញពី Crewe Alexandra ។
ក្លិប Morecambe បានចេញសេចក្តីថ្លែងការណ៍ថា Christian Mbulu បានក្លាយជាកីឡាករដ៏មានប្រជាប្រិយភាពរបស់ក្រុមនេះ។
ត្រឹមតែបង្ហាញខ្លួនលេងជូនក្លិប៣លើក នៅរដូវកាលនេះ ស្រាប់តែទទួលបានដំណឹងភ្ញាក់ផ្អើល នៃការចែកឋានរបស់លោក។
ការបាត់បង់កីឡាករនេះ បានធ្វើឲ្យក្លិបទទួលអារម្មណ៍ឈឺចាប់ ជាពិសេសមនុស្សដែលបានស្គាល់លោក នឹងធ្លាប់រីករាយជាមួយលោក ។
លោក Jim McMahon ប្រធាន Motherwell បានបន្ថែមថា“ យើងមានការភ្ញាក់ផ្អើលជាខ្លាំងនៅពេលបានដំណឹងនៃការស្លាប់របស់ Christian Mbulu ។ គាត់ជាយុវជនដែលមានភាព រួសរាយរាក់ទាក់ ជុំវិញ Fir Park ។ តែពេលនេះអ្វីដេលយើងធ្វើបានគឺចូលរួមរំលែកទុក្ខជាមួយគ្រួសាររបស់គាត់ ក្នុងគ្រាលំបាកនេះ៕
