អតីតគ្រូបង្វឹករបស់ Spurs លោក Mauricio Pochettino បាននិយាយថាគាត់ពិតជាសប្បាយរីករាយណាស់ ដែល Mourinho ជំនួសតំណែងគាត់ ហើយបាននិយាយបែបកំប្លែងថា លោកតែងតែគិតថា អាចជំនួសតំណែងរបស់ Mourinho តែមិនស្ថិតក្នុងមធ្យោបាយផ្សេងឡើយ។
លោក Pochettino ត្រូវបាន Spurs បណ្តេញចេញកាលពីខែវិច្ឆិកាខណៈដែលក្លិបនេះឈរនៅលេខ ១៤ ក្នុង Premier League នៅពេលនោះ។
តំណែងនេះត្រូវបាន ជំនួសដោយលោក Mourinho ដោយលោកបានជួយឲ្យ Spurs ឈរនៅលេខរៀងទី៨ មុនពេលដែលលីកកំពូលអង់គ្លេសត្រូវបានផ្អាកនាខែមីនា ដោយសារកូវីដ ១៩ ។
លោក Pochettino និង Mourinho បានរាប់អានគ្នាតាំងពីនៅអេស្ប៉ាញ ដោយពេលនោះគាត់ធ្វើការនៅ Real Madrid ខណៈដែលខ្ញុំធ្វើការនៅ ក្លិប Espanyol ។
អំឡុងពេលនោះ Pochettino ត្រូវបានផ្សារភ្ជាប់មកជំនួសតំណែង Mourinho នៅ Real Madrid តែ អតីតគ្រូបង្វឹករបស់ Spurs បានធ្វើការច្រានចោល ដោយលើកឡើងថា កូនៗរបស់ខ្ញុំគេងនៅ Espanyol រាល់យប់ ដូច្នេះវាពិបាកណាស់សម្រាប់ខ្ញុំ ក្នុងការគិតផ្លាស់ប្តូរក្លិប។
Mourinho ក៏ធ្លាប់បានផ្ញើអំណោយជូនលោក Pochettino អំឡុងពេលនៅអេស្ប៉ាញ ដោយពេលនោះ Jose បានផ្ញើស្រាក្រហម និង អាវក្លិបអធិរាជសចំនួនពីរ ។
លោក Pochettino ថា យើងបានរក្សាទំនាក់ទំនងល្អតាំងពីពេលនោះមកហើយខ្ញុំពិតជារីករាយណាស់ដែលគាត់នៅ Tottenham ជំនួសខ្ញុំ។
Pochettino បានបន្ថែមទៀតថា“ ខ្ញុំតែងតែគិតថាខ្ញុំនឹងជំនួសគាត់។ គាត់នៅ Real Madrid ។ ខ្ញុំនិយាយថា ‘ប្រហែលជាថ្ងៃណាមួយខ្ញុំអាចមកជំនួសអ្នកនៅឯ Real Madrid” ប៉ុន្តែមើលថាតើជីវិតមានដំណើរការយ៉ាងដូចម្តេច? តែផ្ទុយទៅវិញ គាត់បានមកជំនួសកន្លែងខ្ញុំនៅ Tottenham ។ មិនគួរឱ្យជឿមែនទេ?”
