ភ្នំពេញ៖ លោក ឡឹក វណ្ណៈ នាយកមន្ទីរប្រឆាំងគ្រឿងញៀន បានដឹកនាំកម្លាំង ជំនាញបើកការស្រាវជ្រាវ និងឈានទៅបង្ក្រាបករណី រក្សាទុក ដឹកជញ្ជូន ជួញដូរគ្រឿងញៀនខុសច្បាប់ ក្នុងខេត្តកំពង់ស្ពឺ ៣គោលដៅផ្សេងគ្នា ជាលទ្ធផលឃាត់ខ្លួនជនពាក់ព័ន្ធ ២នាក់ និងដកហូតថ្នាំញៀនជិត ៤ គីឡូក្រាម ។
យោងតាមអគ្គស្នងការនគរបាលជាតិ បានឲ្យដឹងថា គោលដៅទាំង៣កន្លែង ដែលកម្លាំងចុះបង្ក្រាបរួមមាន៖
គោលគោលដៅទី១៖ នៅវេលាម៉ោង១៦.៣០នាទី ថ្ងៃទី១៨ ខែ០៥ ឆ្នាំ២០២០ កម្លាំងជំនាញ ការិយាល័យ (ក៤) នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកនាយករង ឃឹង សារ៉ាត់ មានការសម្របសម្រួល ដោយលោកព្រះរាជអាជ្ញារង អ៊ូ ផាត និងមានការចូលរួមផងដែរ ពីស្នងការដ្ឋាននគរបាលខេត្ត បង្ក្រាបនៅណុចផ្លូវជាតិលេខ៤ ស្ថិតក្នុងភូមិចំបក់ ឃុំវល្ល័ស ស្រុកសំរោងទង ខេត្តកំពង់ស្ពឺ។
ជាលទ្ធផល ៖ ឃាត់ខ្លួនជនសង្ស័យ០១នាក់: -ឈ្មោះ ហេង សុថានិត ភេទប្រុស កើតឆ្នាំ១៩៩២ ជនជាតិ ខ្មែរ ។ វត្ថតាងចាប់យកបាន: -មេតំហ្វេតាមីន(ICE)ទម្ងន់៤១១.៥៦ក្រាម ។
គោលដៅទី២៖ នៅវេលាម៉ោង១៧.១០នាទី ថ្ងៃទី២០ ខែ០៥ ឆ្នាំ២០២០ នៅចំណុចផ្ទះគ្មានលេខ ស្ថិតក្នុងភូមិ បូរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ។
ជាលទ្ធផល៖ ឃាត់ខ្លួនជនសង្ស័យ០១នាក់ឈ្មោះ សេង ជែមជីមី ភេទប្រុស កើតឆ្នាំ១៩៩៦ ជនជាតិ ខ្មែរ។ វត្ថតាងចាប់យកបាន: -មេតំហ្វេតាមីន(ICE)ទម្ងន់៣២៦៧.០៦ក្រាម, -អ៊ិចស្តាស៊ី(MDMA)ទម្ងន់១៧.៥០ក្រាម, -ឧបករណ៍គាបថង់ថ្នាំញៀន១គ្រឿងនិងថង់ច្រកថ្នាំមួយចំនួន។
គោលដៅទី៣៖ នៅថ្ងៃទី២២ /០៥/២០២០ បន្តស្រាវជ្រាវ បានចាប់យកវត្ថុតាង បន្ថែម ប្រភេទមេតំហ្វេតាមីន(ICE) ២៥១.៦៨ក្រាមទៀត ។
សរុបទាំងបីគោលដៅ៖ឃាត់មនុស្ស ២នាក់គ្រឿងញៀន សរុប ៣,៥៣៦.២៤ក្រាម :១-មេតំហ្វេតាមីន(ICE)ទម្ងន់ ៣,៥១៨.៧៤ក្រាម , -អ៊ិចស្តាស៊ី(MDMA)ទម្ងន់ ១៧.៥០ក្រាម, -ឧបករណ៍គាបថង់ថ្នាំញៀន១គ្រឿងនិងថង់ច្រកថ្នាំមួយចំនួន, -ស្លាកលេខរថយន្ត២បន្ទះ ។
បច្ចុប្បន្ន ជនសង្ស័យ រួមនឹងវត្ថុតាង ត្រូវបានកម្លាំងជំនាញនៃមន្ទីរប្រឆាំង គ្រឿងញៀនកសាងសំណុំរឿង អនុវត្តតាមនីតិវិធី ៕
