ក្លឹបហង្សក្រហម Liverpool ត្រូវបានគេជឿជាក់ថាមកដល់សប្តាហ៍ចុងក្រោយនេះបានត្រៀមខ្លួនរួចជាស្រេចហើយដើម្បីលក់កីឡាករ៣នាក់ចេញនិងប្រមូលយកលុយទៅចំណាយទិញកីឡាករខ្សែប្រយុទ្ធ Timo Werner ដែលបច្ចុប្បន្នមានតម្លៃខ្លួនប្រមាណជា៥១លានផោន។
ទាំងកីឡាករសញ្ជាតិអាល្លឺម៉ង់រូបនេះផ្ទាល់គឺតែងតែបង្ហាញពីបំណងចង់មកលេងជាមួយនឹងក្រុមរបស់ Klopp ខ្លាំងផងដែរប៉ុន្តែដោយសារបញ្ហាកូវីដ១៩កំពុងបានធ្វើឲ្យហិរញ្ញវត្ថុជួបបញ្ហាខ្លះៗ។គួរឲ្យដឹងដែរថាកីឡាករវ័យ២៤ឆ្នាំរូបនេះមានកុងត្រាដែលមានសុពលភាពដល់ឆ្នាំ២០២៣ក្រោយការបន្តកុងត្រាកាលពីរដូវក្តៅមុន។
ក្នុងការបង្ហាញវត្តមានជាមួយនឹង RB Leipzig អស់រយៈ៤ឆ្នាំមកហើយ Werner រកបានគ្រាប់បាល់រហូតទៅដល់៨៨គ្រាប់ក្នុងការបង្ហាញខ្លួនសរុបទាំង១៥០បូករួមទាំងគ្រាប់បាល់២៧ក្នុងការប្រកួត៣៦ដងរដូវកាលនេះផងដែរ៕
ប្រែសម្រួល៖Lee
