ការទន្ទឹងរងចាំរបស់ Cristiano Ronaldo បានដល់ទីបញ្ចប់ហើយ ដោយគាត់អាចចូលរួមហ្វឹកហាត់ នៅ Continassa របស់ Juventus ដោយបានបង្ហាញខ្លួនហ្វឹកហាត់ជាមួយមិត្តរួមក្រុម នាថ្ងៃអង្គារ សប្តាហ៍នេះ។
តារាបាល់ទាត់របស់ព័រទុហ្កាល បានចំណាយ ក្នុងការចាក់សោរ ខ្លួនឯង ដាក់នៅដាច់ដោយឡែក អំឡុងពេលដែលមានបញ្ហាជំងឺរាតល្បាត ផ្លូវដង្ហើមកូវីដ ១៩ នៅ Madeira ក្នុងប្រទេសកំណើត។ អំឡុងពេលនោះគាត់បានរួមរស់យ៉ាងសប្បាយជាមួយ មិត្តស្រី និងកូនៗរបស់គាត់។
CR7 បានវិលត្រឡប់មកទីក្រុងទូរីនវិញនៅដើមខែឧសភាហើយតម្រូវឱ្យចំណាយពេលនៅផ្ទះចំនួន ១៤ថ្ងៃក្នុងភាពឯកោដោយខ្លួនឯងយោងតាមច្បាប់របស់រដ្ឋាភិបាលសម្រាប់ការមកដល់នៃជនអន្តរជាតិ។
នៅសប្តាហ៍មុន ក្លិបទាំងអស់នៅអ៊ីតាលី បានប្រកាសឲ្យចូលហ្វឹកហាត់វិញ នាថ្ងៃទី ១៨ ខែឧសភា តែក្រោយមកពន្យាដល់ថ្ងៃទី ១៥ ខែមិថុនា វិញ៕
