ខ្សែប្រយុទ្ធ Carlos Vinicius របស់ក្រុម Benfica គឺជាគោលដៅកំពូលរបស់ក្រុម Manchester United ខណៈដែលក្លិបត្រៀមផ្តល់ប្រាក់ចំនួន ៣៥ លានផោនសម្រាប់កីឡាករសញ្ជាតិប្រេស៊ីល រូបនេះ ។
សារព័ត៌មានដេលីម៉េល បានចុះផ្សាយថា ក្លិបយក្សនៃលីកកំពូលអង់គ្លេស បានត្រៀមជួបខ្សែប្រយុទ្ធអាយុ ២៥ឆ្នាំ ដែលរកគ្រាប់បាល់បាន ២០គ្រាប់ ក្នុងចំណោម ៣៣ ប្រកួត នៅរដូវកាលនេះ ។
Carlos Vinicius បានក្លាយជាអ្នករកគ្រាប់បាល់បានច្រើនជាងគេ Primeira Liga នារដូវកាលនេះ ហើយក្រៅពី Man Utd នៅមាន ហង្សក្រហមក៏ចាប់អារម្មណ៍ផងដែរ។
កីឡាករប្រេស៊ីលខាងលើក៏ធ្លាប់ចូលរួមជាមួយ Napoli កាលពីរដូវកាលក្តៅមុន ក្នុងតម្លៃ ១៥លានផោន ដោយចុះកុងត្រាដល់ឆ្នាំ ២០២៤ ដោយក្នុងនោះកិច្ចសន្យារបស់គាត់ឡើងដល់ ៨៨លានផោន។
ទោះជាយ៉ាងណា កីឡាករចំណូលថ្មីរបស់ Benfica រូបនេះ ត្រូវបាន The Sun ចុះថា Man Utd កំពុងស្ទាបស្ទង់ដោយសំណើរត្រឹមតែ ៣៥លានផោន សម្រាប់កីឡាករឆ្នើមរបស់គេ តែប៉ុណ្ណោះ។
ទន្ទឹមជាមួយគ្នានេះ លោក Luis Filipe Vieira ប្រធានក្លិបឥន្ទ្រីយ៍ព័រទុហ្កាល គាត់រំពឹងថា នឹងទទួលបាន ៨៨លានផោន វិញ អំឡុងពេលនៃការរីករាលដាល កូវីដ ១៩នេះ ។
Ole Gunnar Solskjaer ចង់បានកីឡាករតំបន់ប្រយុទ្ធនេះ ចង់ពង្រីកនូវផែនការរបស់ខ្លួន ក្នុងន័យជួយឲ្យក្រុម Man Utd ឡើងទៅកាន់កំពូលសារជាថ្មីនារដូវកាលក្រោយ។
