កីឡាករអ្នកចាំទីសញ្ជាតិអង់គ្លេសវ័យក្មេង Dean Henderson កំពុងរីករាយនឹងលទ្ធផលរបស់ខ្លួនក្នុងពេលបំពេញការងារជាកីឡាករខ្ចីជើងជាមួយនឹងក្លឹប Sheffield United ហើយកំពុងសម្លឹងឃើញឱកាសដើម្បីក្លាយទៅជាជម្រើសទី១របស់ក្លឹបដើមរបស់ខ្លួនគឺ Man United នារដូវកាលក្រោយ។
De Gea អ្នកចាំទីអេស្បាញក្នុងវ័យ២៩ឆ្នាំហាក់ដូចជាមិនទាន់អស់ជម្រើសពីលោក Solsjkaer នៅឡើយហើយមូលហេតុមួយទៀតគឺថាគាត់ទើបតែបានចុះកុងត្រាកាលពីប៉ុន្មានខែមុនប៉ុណ្ណោះ។Henderson បានជួយ Sheffield United មិនតិចនោះទេរដូវកាលនេះហើយជឿជាក់ថានឹងមានឱកាសទៅលេងពានរង្វាន់ Europa League ជាលើកដំបូងជាមួយគ្នាផងដែរនៅរដូវកាលក្រោយ។
កីឡាករវ័យ២៣ឆ្នាំរូបនេះក៏កំពុងសម្លឹងឃើញតំណែងទី១របស់ជម្រើសជាតិអង់គ្លេសផងដែរជំនួស Jordan Pickford ប៉ុន្តែក៏ត្រុវរងចាំរហូតដល់រដូវកាលក្រោយនិងចាំបាច់ត្រូវតែបង្ហាញខ្លួនឲ្យបានទៀងទាត់ទោះបីក្នុងនាមជាកីឡាករខ្ចីជើងដដែលឬត្រឡប់មកOld Traffordវិញក្តី៕
ប្រែសម្រួល៖Lee
