នៅថ្ងៃនេះក្លឹបនៅ Premier League ចំនួន៩បានត្រៀមខ្លួនរួចរាល់ហើយដើម្បីចរចានិងស្តាប់តាមហេតុផលកីឡាករដែលមិនចង់ត្រឡប់ចូលរួមប្រកួតវិញក្នុងស្ថានភាពដែលកូវីដ១៩នៅបន្តវាយប្រហារខ្លាំងនៅឡើយនោះ។
លីគកំពូលអង់គ្លេសទាំងអស់កំពុងជម្រុញឲ្យផែនការត្រឡប់មកប្រកួតវិញឲ្យទាន់ថ្ងៃទី១២ខែមិថុនាធ្វើយ៉ាងណាបញ្ចប់រដូវកាល២០១៩-២០២០នេះឲ្យបានដើម្បីគេចឲ្យផុតពីវិបត្តិហិរញ្ញវត្ថុ។
ប៉ុន្តែThe Sunsports ជឿជាក់ថាមកដល់ពេលនេះក្លឹបយ៉ាងហោចណាស់ជិតពាក់កណ្តាលបានបង្ហាញពីជម្រើសផ្សេងមួយទៀតសម្រាប់កីឡាករទាំងឡាយណាដែលមិនចង់ត្រឡប់មកប្រកួតវិញដោយការបារម្ភពីសុខភាពជាពិសេសក្រុមគ្រួសាររបស់ពួកគេ។
ក្នុងនោះមានក្លឹបខ្លះបានលើកឡើងថាប្រសិនបើកីឡាកររបស់ខ្លួនមានប្រពន្ធកំពុងពរពោះឬបងប្អូនឈឺចាស់ជរាជាដើមបានផ្ញើសារបញ្ជាក់ថាពួកគេអាចសម្រាកមិនចាំបាច់ចូលរួមប្រកួតក៏បានដែរ៕
ប្រែសម្រួល៖Lee
