តារាបាល់ទាត់ Manuel Lanzini របស់ក្លិប WEST HAM បាននិយាយថា វាជារឿង «ឆ្កួត» ដែលបានអនុញ្ញាតិឲ្យបាល់ទាត់អង់គ្លេសបន្តលេងបញ្ចប់រដូវកាល មុន វ៉ាក់សាំង ប្រឆាំងកូវីដ១៩ មិនទាន់រកឃើញ ។
កីឡាករ Lanzini បានព្យាយាមហ្វឹកហាត់លក្ខណៈស្រាលៗ តែម្នាក់ឯង ដូចមិត្តរួមក្រុម ញញួរដទៃទៀត ខណៈដែលថៅកែលីក បានព្យាយាមបញ្ចប់រដូវកាល លីកអង់គ្លេស ។
ចំណុចនេះបានធ្វើឲ្យកីឡាករអាហ្សង់ទីនរូបនេះ មិនសប្បាយចិត្តនោះទេ ក្នុងការរួសរាន់ វិលចូលទីលាន ស្របពេលដែលអ្នកវិទ្យាសាស្ត្របានព្យាករណ៍ថា វ៉ាក់សាំង អាចនឹងរកឃើញ ជាផ្លូវការនៅ ១៨ ខែទៀត ។
Lanzini បាននិយាយថា នៅក្នុងគំនិតខ្ញុំវាជាការឆ្កួតសម្រាប់ក្របខ័ណ្ឌ Premier Leagueដែលនឹងចាប់ផ្តើមឡើងវិញមុនពេលមានវ៉ាក់សាំងការពារយើង។”ខ្ញុំពិតជាចង់លេងម្តងទៀតប៉ុន្តែអ្នកត្រូវការពារអ្នកដទៃ។ ខ្ញុំនឹងមិនចាប់ផ្តើមទេឥឡូវនេះ” ។ លោកបន្ត នៅលីកអ៊ីតាលី ក៏បានបង្កើតរឿងឆ្កួតដែរ ដោយចង់បញ្ចប់រដូវកាល ដូចគ្នា។
កីឡាករខាងលើបានអះអាងថា នៅសប្តាហ៍ក្រោយក្រុមញញួរដែក នឹងហ្វឹកហាត់លក្ខណៈ ៥នាក់ ហើយបន្ទាប់មក វានឹងក្លាយជាក្រុមទាំងមូល នៅ ២សប្តាហ៍បន្ទាប់ ៕
