Patrice Evra បានអះអាងថាលោក Sir Alex Ferguson ពិតជាមានភាពជឿជាក់ ៩៩ ភាគរយដែលលោកបានចុះកុងត្រាជាមួយកីឡាករ Cristiano Ronaldo ជាថ្មីម្តងទៀតជាមួយលោក Gareth Bale ។
លោក Sir Alex Ferguson បានព្យាយាមចុះហត្ថលេខាឡើងវិញជាមួយកីឡាករ Cristiano Ronaldo សម្រាប់ក្រុមបិសាចក្រហម Manchester United ក្នុងឆ្នាំ ២០១៣ ក្នុងគោលបំណងដើម្បីកសាងក្រុមដែលឈ្នះពានរង្វាន់ Champions League ប៉ុន្តែគួរឲ្យសោកស្តាយគាត់បានចូលនិវត្តន៍ ដែលបាត់បង់ឱកាសក្នុងការទាក់ទាញ កីឡាករ ឆ្នើមព័រទុហ្កាល មកវិញ ។
អតីតខ្សែការពារក្រុមបិសាចក្រហមលោក Patrice Evra បានបង្ហើបថាលោក Ferguson ក៏កំពុងព្យាយាមនាំយក Gareth Bale ពី Tottenham និង Ronaldo ពី Real Madrid ប៉ុន្មានសប្តាហ៍មុនពេលគាត់ដើរចេញពីបាល់ទាត់។
នៅក្នុងកម្មវិធី UTD Podcast កីឡាករ Patrice Evra បានលើកសម្តីលោកFerguson ដែលបាននិយាយថា គោលដៅរបស់ខ្ញុំ គឺ ៩៩ភាគរយ នឹងមាន មានកីឡាករ Cristiano Ronaldo និង Gareth Bale ហើយគោលដៅរបស់ខ្ញុំគ្រាន់តែចង់ឈ្នះពានរង្វាន់ Champions League ម្តងទៀត ។
អតីតខ្សែការពារបិសាចក្រហម បានបន្តថា នៅពេលដែលទទួលបានសម្តីពីគ្រូបង្វឹកចាស់វស្សាដឹកនាំបិសាចក្រហម ២៧ឆ្នាំ លោកក៏បានឆ្លៀតឱកាសសួរទៅកាន់ Ronaldo ហើយពេលនោះ Ronaldo បានយល់ព្រម ជាមួយសម្តីអតីតគ្រូបង្វឹក ដើម្បីចូលរួមលេងជាមួយ Man Utd ។
ទោះបីជាយ៉ាងណាក៏ដោយលោក Ferguson បានខកខានការប៉ុនប៉ងដ៏ក្លៀវក្លារបស់គាត់ជាមួយ Ronaldo នៅឯក្លិប Real Madrid ដែលគាត់បានចុះហត្ថលេខារយៈពេល ៤ ឆ្នាំមុននៅក្នុងកិច្ចព្រមព្រៀងតម្លៃ ៨០ លានផោននៅពេលដែល Bale បានជ្រើសរើសចូលរួមជាមួយគាត់នៅក្នុងរដ្ឋធានីអេស្ប៉ាញនៅរដូវក្តៅក្នុងតម្លៃ ៨៦ លានផោន ៕
