កីឡាករខ្សែប្រយុទ្ធជើងចាស់ Pedro បានបញ្ជាក់ប្រាប់ច្បាស់ហើយកន្លងមកថានឹងចាកចេញពីក្លឹបតោខៀវ Chelsea នៅចុងបញ្ចប់រដូវកាលនេះក្នុងពេលដែលកុងត្រាចាស់នឹងអស់សុពលភាពត្រឹមរដូវក្តៅទៅហើយនោះដែលបច្ចុប្បន្នមានក្លឹបនៅអ៊ីតាលីមួយនិងក្លឹបជាច្រើននៅអាមេរិកកំពុងចែចង់។
កីឡាករវ័យ៣២ឆ្នាំរូបនេះបានបន្តរស់នៅលើទឹកដី Stamford Bridge អស់រយៈពេល៧ឆ្នាំមកហើយតាំងតែពីបានផ្ទេរមកពីក្លឹប Barcelona ដោយបានជួយលើកពានជាច្រើនជូនក្លឹបដូចជា FA Cup និង Europa League ផងប៉ុន្តែជឿជាក់ថានឹងត្រូវចាកចេញពីក្លឹបហើយនាពេលខាងមុខដោយមិនមានតម្លៃខ្លួនឡើយ។
រដូវកាលនេះបង្ហាញខ្លួនបានតែ៩ដងប៉ុណ្ណោះក្នុងលីកកំពូលក្រោមការដឹកនាំរបស់លោក Lampard ហើយ Roma ក៏បានដាក់សំណើរប្រាក់កម្រៃប្រមាណជា២,៧លានផោនក្នុងមួយឆ្នាំរួចដែរសម្រាប់ Pedro គឺនៅត្រូវតែរងចាំការសម្រេចចិត្តរបស់កីឡាករប៉ុណ្ណោះថាតើចង់ផ្លាស់ទៅលេងអ៊ីតាលីឬជាមួយនឹងក្លឹបផ្សេងទៀតនៅអាមេរិកដែលកំពុងចាប់អារម្មណ៍ដែរនោះ៕
ប្រែសម្រួល៖Lee
