បិសាចក្រហម ត្រៀមប្រជែងជាមួយមេឃខៀវ យក​កីឡាករខ្សែបម្រើអាតេ 

Man Utd គឺត្រូវបានគេរាយការណ៍ឲ្យដឹងថា កំពុងដាក់គោលដៅ ចុះហត្ថលេខាយក Saul Niguez  ។​

នៅទីនេះមិនទាន់មានភាពប្រាកដប្រជាជុំវិញអនាគតខ្សែបម្រើរបស់ អាតេម៉ាឌ្រីដ ថ្វីបើកុងត្រា​អូសបន្លាយដល់ឆ្នាំ ២០២៦ ខណៈដែល​សាមីខ្លួន មិនព្រមព្រៀង​កិច្ចសន្យាថ្មី ជាមួយក្លិប ឡើយ​។​

យោងតាម Mundo Deportivo ថា តំណាង​ Saul Niguez  បានបញ្ជាក់ថា ទំហំទឹកប្រាក់ដែល ក្រុមអាតេ ផ្តល់ឲ្យមិនទាន់គ្រប់គ្រាន់នោះទេ  បើសិនជាចង់កុងត្រា ក្នុងរយៈពេល វែងឆ្ងាយ នោះ។ ម្យ៉ាងទៀត ការចរចារបានគាំង ក៏ព្រោះតែផ្ទុះឡើងនៃជំងឺកូវីដ ១៩ នេះ​។

ក្លិបត្រកូល មេនឆេស្ទ័រ គឺកំពុងសំឡឹងដូចគ្នា ចង់បានកីឡាករ អាយុ ២៥ឆ្នាំរូបនេះ  ដែលបានដាក់គោលដៅដូចគ្នា ជាយូរណាស់មកហើយ  ដោយក្លិបទាំងពីរ អាចនឹងបើក គោលដៅ ក្នុងទំហំទឹកប្រាក់ ១៣៧.៦ លានផោន ។ បិសាចក្រហមអាចនឹងចំណាយទឹកប្រាក់យកកីឡាករខាងលើ ក្នុងករណី Pogba ចាកចេញ​។