Alvaro Morata បានបញ្ជាក់ពីបំណងរបស់ខ្លួនថា គាត់ចង់ឲ្យក្លិបជៀសឲ្យឆ្ងាយក្នុងការជួបជាមួយក្រុម Juventus ខណៈដែលកំពុងប្រកួតប្រជែងជាមួយហង្សក្រហម នៅវគ្គ១៦ក្រុមចុងក្រោយ ។
Atletico ធ្វើបានល្អ ដោយបានឈ្នះ ទៅលើក្រុមលោក Jurgen Klopp ក្នុងលទ្ធផល 1-0 ដែលជាការប្រកួតនៅរាត្រីយប់មិញ។
អាចនិយាយថា ដំណឹងឈ្នះនេះ វាជាជំហរយ៉ាងល្អមួយ មុននឹងធ្វើដំណើរទៅកាន់ទឹកដីអង់គ្លេស នាខែក្រោយ។ នៅមិនទាន់ដឹងថា តើអាតេ ឬក្រុមហង្សក្រហម ដែលបន្តដំណើរទៅជុំ បន្ទាប់ ប៉ុន្តែ Alvaro Morata បានបង្ហាញពីគោលបំណងមិនចង់ជួបក្រុមជើងខ្លាំងមកពីទឹកដីអ៊ីតាលី។
គាត់បានថ្លែងប្រាប់ Sky Sport Italia ថា ខ្ញុំគិតថា ហង្សក្រហម និង Juventus ជាក្រុមល្អ តែខ្ញុំសូមផ្សង មិនឲ្យជួបក្រុម Juventus សារជាថ្មី នៅក្របខណ្ឌ Champions League នេះ។
លោកថា សម្រាប់ខ្ញុំគិតថា Juventus , Liverpool , Paris Saint-Germain ជាក្រុមដែលមានការពេញចិត្តច្រើនក្នុងពានអឺរ៉ុប ប៉ុន្តែ នៅ UCL គ្មានអ្វីប្រាកដមួយរយភាគរយ ដូចបំណងឡើយ។
សម្រាប់ Juventus នឹងធ្វើដំណើរទៅកាន់ទឹកដី Lyon នាថ្ងៃទី ២៦ ខែកុម្ភៈ សម្រាប់ជើងទី១ ក្នុងវគ្គ ១៦ក្រុមរបស់ពួកគេ។
បញ្ជាក់ផងដែរថា កាលពីប្រកួតនៅក្នុងគ្រុបវគ្គ ៣២ក្រុម ក្លិប អាតេ បានបញ្ចប់តំណែងតាមក្រោយរបស់ Juventus ដែលពេលនោះមានក្រុម Bayer Leverkusen និង Lokomotiv Moscow ដោយជើងទី១ ដែលគេធ្លាប់ជួបគ្នា គឺត្រឹមតែលទ្ធផល 2-2 ហើយធ្វើដំណើរទៅកាន់ទឹកដីតូរីន បានចាញ់សេះបង្កង់ ក្នុងលទ្ធផល 1-0 ៕
