អតីតវិរៈបុរសរបស់ បិសាចក្រហម កីឡាករ Ronaldo និង Nani បានប្រាប់ទៅកាន់ Bruno មុនផ្លាស់ទៅកាន់ទឹកដីអូត្រាហ្វត។Bruno អាយុ ២៥ឆ្នាំ បានផ្លាស់ទៅកាន់ទឹកដីបិសាចក្រហមក្នុងតម្លៃ 46.5 លានផោន ផ្លាស់ទៅកាន់ទឹកដីអង់គ្លេសកាលពីខែមករា ហើយបានបង្ហាញខ្លួនលេងឲ្យ ក្លិប បានត្រឹមលទ្ធផលស្មើ 0-0 ជាមួយក្លិបចចកខ្មៅ ។
គាត់មិនមែនជាកីឡាករ ដំបូងដែលចាកចេញពី Lisbon ទៅកាន់ Man Utd នោះទេ ក្នុងនោះ មានរៀបច្បងរបស់គាត់គឺ Ronaldo និង Nani ផងដែរ ។
Ronaldo បានផ្លាស់មកកាន់ អូត្រាហ្វត កាលពីឆ្នាំ ២០០៣ ហើយបានក្លាយជាកីឡាករ ល្បីល្បាញជុំវិញពិភពលោក មុនចូលរួមលេងជាមួយអធិរាជស ហើយថ្មីៗនេះ ក៏បានក្លាយជាកីឡាករ Juventus និងកំពុងក្លាយជាកីឡាករ ដ៏អស្ចារ្យ ជាប្រវត្តិសាស្ត្រ។
ក្នុងបទសម្ភាសន៍ថ្មីៗជាមួយគេហទំព័រក្លិប Bruno បានប្រាប់ថា ពិតណាស់ ខ្ញុំបាននិយាយជាមួយ ក្លិប និងកីឡាករ CR7 ។ ក្នុងនោះ Ronaldo បានប្រាប់ថា គាត់(CR7) បាននិយាយអំពីបិសាចក្រហម ដោយគាត់ថាគាត់បានចាប់ផ្តើមរស់នៅទីនេះ ជាមួយក្តីសុបិន និង ចាប់ផ្តើមក្លាយជាកីឡាករល្អ នៅទីនេះ ។ ខ្ញុំគិតថា គាត់(CR7) រីករាយជាមួយដំណើរផ្ទេររបស់ខ្ញុំមកកាន់ទឹកដីអូត្រាហ្វត។
ទន្ទឹមជាមួយគ្នានេះដែរ CR7 បាននិយាយជាមួយ Ole អំពីការផ្ទេរនេះ ដោយលើកឡើងថា ជាការផ្លាស់ប្តូរមួយដ៏ល្អប្រសើរ។
កីឡាករខ្សែបម្រើខាងលើ បានបន្តថា Ronaldo បានលេងជាមួយក្រុមជម្រើសជាតិ និង គាត់ដឹងពីខ្ញុំ ហើយសម្រាប់ខ្ញុំ គាត់ជាកីឡាករល្អ ខ្ញុំចង់ដើរតាមដំណើរជោគជ័យរបស់គាត់ ។
ក្នុងនោះដែរ Nani ក៏បានផ្ញើសារ មកកាន់ខ្ញុំ ដោយគាត់បានលើកឡើងថា គាត់រីករាយណាស់ ជាមួយដំណឹងផ្ទេរលេងរបស់ខ្ញុំ មកកាន់ទឹកដីអូត្រាហ្វត៕
