កាសែតអង់គ្លេស The Sun នៅថ្ងៃនេះចេញផ្សាយថាក្លឹបកាំភ្លើងធំ Arsenal ក្រោមការដឹកនាំរបស់លោក Mikel Arteta បានឈានទៅដល់ការសម្រេចចិត្តចុងក្រោយហើយចុះកុងត្រានាំយកកីឡាករខ្សែការពាររបស់ក្លឹប Southampton ម្នាក់ក្នុងតម្លៃត្រឹមតែ៥លានផោនប៉ុណ្ណោះ។
កីឡាករខ្សែការពារ Cedric Soares ទោះបីជាយ៉ាងណានឹងផ្ទេរមកទឹកដី Emirates ទាំងនៅមានរបួសនៅឡើយក្នុងពេលដែលជាក់ស្តែងកីឡាករការពាររបស់ក្លឹបជាច្រើនក៏សុទ្ធតែមានរបួសដូចគ្នាដែរនោះមានដូចជា Pablo Mari,Calum ChambersនិងMustafiជាដើម។
Soarez ក្នុងវ័យ២៨ឆ្នាំសញ្ជាតិប៉ទុយហ្គាល់កំពុងទទួលរងរបួសនៅឡើយហើយនឹងមិនអាចចូលលេងវិញបាននៅឡើយទេក្នុងរយៈពេល៣សប្តាហ៍ទៀតខណៈដែលក្លឹបនឹងត្រូវប្រកួតជាមួយនឹងគូខ្លាំងៗដូចជា Burnley, Newcastle និង Olympiacos ផងដែរ៕
ប្រែសម្រួល៖Lee
