កីឡាករគោលដៅសំខាន់របស់តោខៀវ ច្រានចោលសំណើរចាកចេញ​

Jean-Michel Aulas នាយប្រតិបត្តិរបស់ក្លិប​ Lyon បានលើកឡើងថា Moussa Dembele ចង់ប្រយុទ្ធដណើមពាននៅក្លិបដែលកំពុងលេង ជាង​ការផ្លាស់ទៅកាន់ក្លិបតោខៀវ​។​

កីឡាករអាយុ ២៣ឆ្នាំ​រូបនេះ បានក្លាយជាគោលដៅយ៉ាងសំខាន់របស់តោខៀវ ខណៈដែល​តំបន់ប្រយុទ្ធតោខៀវ​មិនទាន់រឹងមាំនោះ ។​
Lampard បានព្យាយាមចរចារចង់បានកីឡាករ​ខាងលើ ដោយបានស្នើដាក់កញ្ចប់ទឹកប្រាក់ ៣៤លានផោន ប៉ុន្តែត្រូវបានក្លិប Lyon ច្រានចោល​។​
ទោះបីជាយ៉ាងណា កាំភ្លើងធំ និង បិសាចក្រហម ក៏កំពុងធ្វើការទាក់ទងដូចគ្នា ដើម្បីជំរុញ​ឲ្យអតីតកីឡាកររបស់ Fulham មកលេងនៅលើទឹកដីអង់គ្លេស​។​

ក្លិបតោបារាំង បាន​ចេញសេចក្តីថ្លែងការណ៍ថ្មីៗនេះថា Dembele មិនមែនសម្រាប់លក់ទេ ក្នុងនោះដែរលោក Jean-Michel Aulas ក៏បានបញ្ជាក់ ផងដែរថា កីឡាកររូបនេះ​មិនចាកចេញពីទឹកដីបារាំងនោះទេ ដោយសារតែគាត់ចង់ឈ្នះពាននៅទីនេះ៕