គ្រូថ្មីរបស់ Everton លោក Carlo Ancelotti អាចនឹងចុះហត្ថលេខាយកកីឡាករ James Rodriguez ពីក្លិប Real Madrid ។
អ្នកជំនាញយុទ្ធសាស្ត្រលើវាលស្មៅ សញ្ជាតិអ៊ីតាលី ខាងលើធ្លាប់បានធ្វើការរួមគ្នាជាមួយកីឡាករសញ្ជាតិកូឡ៊ុំប៊ី ទាំងនៅ Real Madrid និង Bayern Munich ជាដើម។
សារព័ត៌មានក្នុងប្រទេសអង់គ្លេស បានចុះថា លោក Ancelotti ក្រោយជំនួសតំណែង Marco Silva ជាគ្រូបង្វឹកថ្មីរបស់ក្លិប Everton មក បានបង្ហាញ ចំណាប់អារម្មណ៍ចង់បាន កីឡាករ James មកចូលរួមលេងនៅលើទឹកដី Premier League ។ គេនៅចាំបានថា អំឡុងពេលដែល លោក នៅដឹកនាំ Napoli ក៏បានចាប់អារម្មណ៍លើកីឡាករសញ្ជាតិកូឡ៊ុំប៊ីរូបនេះ ដូចគ្នា៕
