កីឡាករខ្សែការពារឆ្នើមហូឡង់ Virgil van Dijk ត្រូវបានគេជឿជាក់ថានឹងអាចខកខានការប្រកួតវគ្គផ្តាច់ព្រ័ត្រ Club World Cup ទោះបីជាមានវត្តមានទៅប្រទេសកាតាជាមួយនឹងឈុតធំក្តី។
អវត្តមានក្នុងការប្រកួតវគ្គពាក់កណ្តាលផ្តាច់ព្រ័ត្រជាមួយនឹងក្រុម Monterrey ប៉ុន្តែមកដល់ពេលនេះរូបគេនៅតែមិនទាន់អាចមានវត្តមានមកចូលហ្វឹកហាត់ជាមួយនឹងក្រុមវិញនៅឡើយត្រៀមប្រកួតផ្តាច់ព្រ័ត្រប៉ះក្រុមជើងឯកលីកកំពូលប្រេស៊ីលច្រើនសម័យ Flamengo។
Van Dijk ត្រូវបានគេមើលឃើញថាបានធ្វើការងារហ្វឹកហាត់ដាច់ដោយឡែកកាលពីថ្ងៃព្រហស្បតិ៍ជាមួយនឹងគ្រូជំនាញប៉ុន្តែមិនបានចូលរួមហ្វឹកហាត់ជាមួយនឹងក្រុមឡើយនេះមានន័យថាភាគរយខ្ពស់ក្នុងការអវត្តមានការប្រកួតផ្តាច់ព្រ័ត្រនេះជាមិនខាន។
គួរឲ្យដឹងដែរកាលពីប្រកួតវគ្គពាក់កណ្តាលផ្តាច់ព្រ័ត្រនោះ Liverpool បានបែងចែកក្រុមជា២ដើម្បីប្រកួតពានរង្វាន់២ផ្សេងគ្នាដែលមួយនៅអង់គ្លេសគឺ Carabao Cup និងមួយទៀត Club World Cup នេះឯងតែដោយឡែកឈុតយុវជននោះបានធ្វើឲ្យក្រុមធ្លាក់ចេញពី Carabao Cup ទៅហើយដោយចាញ់ Aston Villa៕
ប្រែសម្រួល:Lee
