ព្រះនាងអាយុ ១៨ឆ្នាំ ក្នុងសែស្រឡាយរាជវង្សប៊ែលហ្សិក បានបង្ហាញសម្រស់ផូរផង់ អំឡុងពេលកម្មវិធីបុណ្យណូអែល ។
នៅថ្ងៃទី១៩ ខែធ្នូ ឆ្នាំ២០១៩ ត្រកូលរាជវង្សប៊ែលហ្សិក បានធ្វើឲ្យអ្នកសារព័ត៌មានចាប់អារម្មណ៍ ហើយអ្វីដែលចាប់អារម្មណ៍បំផុត ទៅលើ ម្ចាស់ក្សត្រី វ័យក្មេង ក្នុងឱកាសត្រៀមខ្លួនស្វាគមន៍ឱកាសណូអែលឈានចូលមកដល់។
ប្រភពព័ត៌មានបានចុះផ្សាយថាមាន សមាជិកគ្រួសាររាជវង្សចំនួន ១២ព្រះអង្គ ក្នុងនោះរួមទាំងអតីតស្តេចរបស់ប៊ែលហ្សិកផងដែរ , ម្ចាស់ក្សត្រី Elisabeth និងសមាជិកគ្រួសាររាជវង្សផ្សេងៗទៀត ។ រូបភាពនេះដែរបានធ្វើឡើង នៅ Brussels Royal Palace ។
នេះគឺជាឱកាសដ៏កម្រមួយនៅក្នុងព្រឹត្តិការណ៍ដែលនាំមកនូវមុខមាត់លេចធ្លោ ដោយបង្ហាញស្ទើរតែទាំងអស់នៃគ្រួសាររាជវង្សបែលហ្ស៊ិក។
ព្រះនាង Elisabeth បានក្លាយជាគោលដៅផ្តោតអារម្មណ៍បំផុតក្នុងកម្មវិធីប្រគំតន្ត្រីស្វាគមន៍ ពិធីឈប់សម្រាកបុណ្យណូអែល ដោយព្រះនាងក្មេងអង្គនេះ បានជ្រើសរើសរ៉ូបដ៏ឆើតឆាយ ជាមួយសក់ពណ៌ទង់ដែង ស្បែកស មើលទៅលេចធ្លោ ។
គួរបញ្ជាក់ផងដែរថា ព្រះនាង Elisabeth កំពុងសិក្សានៅមហាវិទ្យាល័យ United World College ។បន្ទាប់ពីឈានចូលវ័យ ១៨ ឆ្នាំព្រះនាងបានចូលរួមយ៉ាងសកម្មនៅក្នុងព្រឹត្តិការណ៍រាជវង្សដោយ ទទួលមានទំនួលខុសត្រូវជាច្រើន ដើម្បីត្រៀមរៀបចំសម្រាប់ការស្នងរាជ្យបន្តពីបិតានាពេលអនាគត៕
