ភ្នំពេញ៖ ក្រុមសាលាបាល់ទាត់វិទ្យាល័យឥន្ទ្រទេវីលើកពានជើងឯកវិទ្យាល័យលើកដំបូង បន្ទាប់ពីបានយកឈ្នះក្រុមបាល់ទាត់វិទ្យាល័យឫស្សីកែវ ដោយលទ្ធផល ២-១ ក្នុងជំនួបវគ្គផ្ដាច់ព្រ័ត្រកាលថ្ងៃទី ១៩ ខែ ធ្នូ ឆ្នាំ២០១៩ ម្សិលមិញ នាកីឡដ្ឋាន Cambodia Airway ។
ប្រាក់រង្វាន់ដែលពានជើងឯកវិទ្យាល័យលើកដំបូងរួមមាន៖
- ក្រុមជើងឯកឥន្ទ្រទេវីទទួលបានប្រាក់រង្វាន់៦០លានរៀល
– ក្រុមលេខពីរឫស្សីកែវទទួលបានប្រាក់រង្វាន់៤០លានរៀល
– ក្រុមលេខបីវិទ្យាល័យព្រះស៊ីសុវត្ថិទទួលបានប្រាក់រង្វាន់២០លានរៀល
– អ្នកចាំទីល្អ កីឡាករ គង់ ភក្ត្រា
– អ្នកទាត់ចូលច្រើនជាងគេ កីឡាករ គី រីណា រកបាន ៤០គ្រាប់
– គ្រូបង្វឹកល្អលោក វី លីកា
– កីឡាករល្អក្នុងពាននេះបានទៅលើ មហាម៉ាត់ អារីហ្វីន (វិទ្យាល័យឫស្សីកែវ)
សូមបញ្ជាក់ថា នេះការប្រកួតបាល់ទាត់ជើងឯកវិទ្យាល័យរដូវកាលដំបូង ដោយមានក្រុមចូលរួមចំនួន៩ រួមមាន៖ វិទ្យាល័យច្បារអំពៅ, ឥន្ទ្រទេវី, ចាក់អង្រែ, ឫស្សីកែវ, បឹងត្របែក, ភ្នំពេញថ្មី, ជាស៊ីមសាមគ្គី, វេស្ទឡាញន៍ និង វិទ្យាល័យព្រះស៊ីសុវត្ថិ៕
អត្ថបទ៖ មៃ ចាន់បុត្រ
