Pochettino នឹងមិនរំពឹងទៅលើក្លិបអធិរាជសនោះទេ ព្រោះតែលោក កំពុងទន្ទឹងរងចាំ ការហៅរបស់ក្លិបមេឃខៀវ នារដូវកាលក្តៅខាងមុខ។ នេះបើយោងតាម The Sun ។
ក្លិបយក្សអេស្ប៉ាញអធិរាជស មានបំណងចង់ចុះ កិច្ចព្រមព្រៀងជាមួយ Pochettino ដើម្បីយកមកជំនួសតំណែង Zinedine Zidane ។
ប៉ុន្តែ អតីតគ្រូបង្វឹករបស់ Spurs ចង់វិលទៅគ្រប់គ្រងក្លិបនៅទឹកដី អង់គ្លេសវិញ។
SunSport បានចុះផ្សាយថា មានក្លិបពីរនៅអង់គ្លេសបានចាប់អារម្មណ៍គាត់ Manchester United និងម្ចាស់ការពារជើងឯកលីកកំពូលអង់គ្លេស។
ប្រភពខាងលើបានចុះបន្តចុះផ្សាយថា Pep Guardiola ប្រហែលនឹងចាកចេញពី មេឃខៀវនាចុងបញ្ចប់រដូវកាលនេះ បើទោះបីនៅសល់កុងត្រា១ឆ្នាំ ទៀតជាមួយក្លិប។
អ្វីនៅទីនេះគេមើលឃើញថា បើសិនជា Pochettino មកកាន់ក្លិបបិសាចក្រហមមែន គាត់នឹងមានប្រាក់ចំណាយយ៉ាងច្រើនដើម្បីទិញកីឡាករ ក្នុងទីផ្សារដោះដូរ ក្នុងគោលបំណងចង់ឲ្យក្លិបវិលមកកាន់កំពូលវិញ៕
