Ivan Rakitic ឥលូវនេះបានត្រៀមខ្លួនរួចរាល់ហើយដើម្បីស្តាប់ការស្នើសុំ ដោយការចង់បានពីក្លិប Manchester United ។
បន្ទាប់ពីទទួចហើយទទួចទៀតថា ចង់បន្តលេងនៅ Nou Camp គ្រប់រដូវកាល ដោយកីឡាករក្រូអាតអាយុ ៣១ឆ្នាំរូបនេះ ឥលូវនេះ បានសម្រេចចិត្ត ថានឹងចាកចេញទៅវិញ ។ នេះបើយោងតាមព័ត៌មានក្នុងប្រទេសអេស្ប៉ាញ បានចុះផ្សាយ ។
ក្រៅពីក្លិប Man Utd នៅមានក្លិបធំពីរនៅលើទឹកដីអ៊ីតាលី គឺ Juventus និង Inter Milan ដោយក្លិបទាំងពីរនេះ ក៏ចង់ចុះហត្ថលេខាដូចគ្នា ចង់បានកីឡាករ Ivan Rakitic។ ប៉ុន្តែបិសាចក្រហមគួរតែ ត្រូវការចាំបាច់ដើម្បីយកកីឡាករខ្សែបម្រើរូបនេះ ។
របាយការណ៍ចុះផ្សាយកន្លងទៅ ក៏បានលើកឡើងថា Man Utd បានតស៊ូនឹងស្ថានភាពលំបាក ខ្វះនូវកីឡាករខ្សែបម្រើ នឹងបានព្យាយាមទាក់ទង ម្តងហើយម្តងទៀត ដើម្បីយកឲ្យបានកីឡាករសំខាន់ ក្នុងតំបន់កណ្តាលនាខែមករា ខាងមុខ។
នៅដើមសប្តាហ៍នេះ វាក៏ត្រូវបានគេលើកឡើងថា Rakitic នឹងចាកចេញពី Barcelona ដោយចង់ផ្លាស់ទៅកាន់ទឹកដី AC Milan ឬ Paris Saint-Germain ។
កីឡាករក្រូអាតរូបនេះក៏បានសារភាពថា គាត់កំពុងរកផ្លូវចេញពីរដ្ឋធានី Catalan ។
ជាមួយគ្នានោះដែរ គេបានលើកឡើងថា បិសាចក្រហមនឹងដាក់ការចរចារចង់បាន ដោយដាក់តម្លៃខ្លួន ចុះកុងត្រាកីឡាករខាងលើ ក្នុងតម្លៃ ៣៥លានផោន ៕
