The Mirror នៃចក្រភពអង់គ្លេសចេញផ្សាយនៅថ្ងៃពុធទី៩ខែតុលានេះបានឲ្យដឹងថាក្រោយធ្លាក់ចេញពីជម្រើសជាតិអង់គ្លេសរួចមក Dele បានចាប់ផ្តើមធ្វើសកម្មភាពមួយចំនួនឡើងវិញដែលហាក់ដូចជាបង្ហាញនូវភាពស្តាយក្រោយចំពោះការបាត់បង់មួយនេះ។
ប្រភពដដែលបានសរសេរទៀតថាកីឡាករខ្សែប្រយុទ្ធរបស់ក្លឹបមាន់ខ្នាយមាស Spurs រូបនេះបានថែមទាំងជួលអ្នកជំនាញអាហារផ្ទាល់ខ្លួនម្នាក់និងមិនត្រឹមតែប៉ុណ្ណោះបានបដិសេធមិនទទួលយកកិច្ចសន្យាផ្សាយពាណិជ្ជកម្មនានាឡើយ។
កីឡាករវ័យ២៣ឆ្នាំរូបនេះបានចាប់ផ្តើមការតមអាហារជាពិសេសនៅក្រោយការរងរបួសសសៃជើងខាងឆ្វេងដែលរបួសនេះបានកើតឡើងអស់រយៈពេល១៨ខែមកហើយ។
គួរបញ្ចាក់ដែរថាគ្រូបង្វឹកជម្រើសជាតិអង់គ្លេសលោក Southgate បានដកឈ្មោះ Dele ចេញពីក្រុមអង់គ្លេសក្នុងវគ្គជម្រុះអ៊ឺរ៉ូឆ្នាំ២០២០ក្នុងការប្រកួតជាមួយនឹងឆេកនិងប៊ុលហ្គារីនាពេលខាងមុខ៕
ប្រែសម្រួល:lee
