បន្ទាប់ពីការប្រកួតអស់រយៈពេលជាច្រើនឆ្នាំនៅស្រុកកំណើត គាត់ក៏បានបង្ហាញវត្តមានជាថ្មីម្តងទៀត ក្នុងព្រឹត្តិការណ៍ ACA 100 កាលពីថ្ងៃទី៤ ខែតុលា ឆ្នាំ២០១៩ ក្នុងប្រទេសរុស្ស៊ី ដែលជាការប្រកួតដ៏ធំ Bekzod Nurmatov ក្នុងអាជីពរបស់គាត់ ។
ទោះជាយ៉ាងណាក៏ដោយ ក្រោយការប្រកួតក៏មានសោកនាដកម្មបានកើតឡើង ចំពោះកីឡាករអាយុ ២៧ឆ្នាំរូបនេះ ដោយមិនត្រឹមតែចាញ់នោះទេ ថែមទាំងបាត់បង់ជីវិតផងដែរ ។ មូលហេតុដែលធ្វើឲ្យលោកស្លាប់ ក៏ព្រោះតែមានរបួស ខ្លាំងពេកក្នុងអំឡុងពេលប្រកួតដាក់ទ្រុង MMA នោះ ។
នេះជាការប្រកួតមួយដែល កីឡាករ Bekzod Nurmatov មិនធ្លាប់ជួបប្រទះដោយគូប្រកួតរបស់ខ្លួន គឺ កីឡាករ Beslan Isaev បានព្យាយាមបុកសម្រុកវាយលើលោកយ៉ាងខ្លាំង ដោយប្រើជង្គង់បុកទៅលើក្បាលយ៉ាងដំណំផងដែរនៅទឹកទី១ ។
ទោះយ៉ាងណាក៏ដោយគាត់នៅតែព្យាយាមប្រយុទ្ធ នឹងមិនព្រមបដិសេធបោះបង់ចោលការប្រកួតឡើយ ។ នៅពេលដែលកណ្តឹងបាន រោទិ៍បញ្ចប់ទឹក កីឡាករ Nurmatov បានបង្ហាញអាការៈ ហត់នឿយ អស់កំលាំងយ៉ាងខ្លាំង ដោយអង្គុយលើសង្វៀនដង្ហក់យ៉ាងខ្លាំង។
យោងតាមព័ត៌មាន យោងតាម Tass បានចុះផ្សាយថា Nurmatovបានទទួលរងនូវជំងឺដាច់សរសៃឈាមខួរក្បាលពីរបីម៉ោងក្រោយមកហើយបានសន្លប់បាត់ស្មារតី។ ទោះបីគ្រូពេទ្យធ្វើអ្វីៗតាមដែលអាចធ្វើបានក៏ដោយអ្នកប្រដាល់អ៊ូបេគីស្ថានមិនបានដឹងខ្លួនវិញទេ។
គាត់បានទទួលមរណភាពនៅថ្ងៃទី ៧ ខែតុលា (ម៉ោងក្នុងស្រុក) ។ បច្ចុប្បន្នសពរបស់គាត់ត្រូវបានបញ្ជូនត្រឡប់ទៅស្រុកកំណើតវិញហើយ។ ករណីនេះកំពុងស្ថិតក្រោមការស៊ើបអង្កេតរបស់អាជ្ញាធរនៅឡើយ។
គួរបញ្ជាក់ផងដែរថា Nurmatov ប្រកួតបានចំនួន ១៣ដង ឈ្នះ ១១ដង និងបរាជ័យ ២ដង ។គាត់ធ្លាប់ជាជើងឯក MMA របស់អ៊ូសបេគីស្ថាន៕
ទស្សនាវីដេអូឃ្លិបដូចខាងក្រោមនេះ៖
https://www.youtube.com/watch?v=AOysVoo7gqc
