ជ័យជំនះក្នុងលទ្ធផល១ទល់នឹង០កាលពីចុងសប្តាហ៍លើក្រុម Bournemouth បានធ្វើឲ្យ Arsenal ទទួលបាន៣ពិន្ទុក៏ពិតមែនប៉ុន្តែអ្នកគាំទ្រមួយចំនួនក៏បានបង្ហាញពីអារម្មណ៍មិនសប្បាយចិត្តចំពោះលទ្ធផលប្រផិតប្រផោយបែបនេះឡើយ។
កាសែតអង់គ្លេស The Mirror នៅថ្ងៃអង្គារទី៨ខែតុលានេះបានចុះផ្សាយថា វិរៈបុរសរបស់ក្លឹបកាំភ្លើងធំជាអតីតខ្សែការពារឆ្នើមលោក Martin Keown មុនគេបានចេញមុខធ្វើការរិះគន់ចំៗទៅលើការបង្ហាញសមត្ថភាពរបស់ខ្សែប្រយុទ្ធហ្គាបុន Emerick Aubameyang ថាមិនបានប្រឹងប្រែងឲ្យអស់ឡើយក្នុងការប្រកួតចុងក្រោយមួយនេះ។
គ្រាប់បាល់តែមួយគ្រាប់ដែលរកបានដោយខ្សែការពារចំណូលថ្មី David Luiz នៅតង់ទី១បានក្លាយទៅជាគ្រាប់បាល់តែមួយគត់ក្នុងការប្រកួតនិងជាគ្រាប់បាល់ជ័យជំនះសម្រាប់ Arsenal ប៉ុន្តែលោក Keown បានបញ្ជាក់ទៀតថា Aubameyang មិនបានសូម្បីតែអាចជួយឲ្យក្លឹបអាចរកបានឱកាសណាមួយដើម្បីស៊ុតបញ្ចូលទីឡើយ៕
ប្រែសម្រួល:Lee
