អតីតកីឡាករខ្សែបម្រើ​ក្លិប ហង្សក្រហម, អធិរាជស និងមេឃខៀវ មកកម្ពុជាពីរថ្ងៃទៀត​

អតីតកីឡាករហង្សក្រហម អធិរាជស និង មេឃខៀវ លោក Steve McManaman ​នឹង​មកទស្សន​កិច្ច​នៅ​អង្គការ​ផ្កាយ​សមុទ្រ ISF ​ស្ថិតនៅកម្ពុជា នា​ថ្ងៃ​ទី​២៥​និង​២៦​ ខែ​កញ្ញា​ ឆ្នាំ​២០១៩​ ​។​

យោងតាមសេចក្តីប្រកាសដែលចេញដោយសហព័ន្ធបាល់ទាត់កម្ពុជា បានឲ្យដឹងថា អតីតតារាបាល់ទាត់ល្បី របស់ហង្សក្រហម អធិរាជស និង មេឃខៀវ នឹងមកទស្សនកិច្ច នៅអង្គការផ្កាយសមុទ្រ ដែលចំនួនពីរទីតាំង ។

Steve McManaman បានលេងឲ្យហង្សក្រហម នៅឆ្នាំ 1990-99 និង អធិរាជស នៅឆ្នាំ 1999-03 និង មេឃខៀវនៅឆ្នាំ 2003-05 ក្នុងតំណែង ជាកីឡាករខ្សែបម្រើ ក្រោយមកគាត់ក៏បានចូលនិវត្តន៍ នៅក្លិបលើទឹកដីអង់គ្លេស Man City តែម្តង៕​