ភ្នំពេញ៖ ក្នុងសន្និសីទកាសែត មុនការប្រកួត FIFA World Cup Qatar 2022 & Asian Cup 2023 Qualifiers ដែលកើតឡើងនៅថ្ងៃស្អែក លោក Felix បានលើកឡើងថាលើកក្រោយនឹងកោះហៅ វឌ្ឍនាកា និងប្រាប់ពីហេតុផលដែល យក ដាវ នីម ជាអទិភាព ។
Felix បានលើកឡើង ក្នុងសន្និសីទ កាសែតនៅព្រឹកនេះថា ជាការពិតយើងបានពិចារណាកីឡាករទាំងអស់ ក្នុងការប្រកួតរបស់យើងដោយយើងបានមើលពីការប្រកួតក្នុងទីលាន និងទង្វើក្រៅទីលាន ។
លោកបានបន្តថា ប្រហែលជាលើកក្រោយយើងអាចនឹងកោះហៅចាន់ វឌ្ឍនាកា ។ លោកប្រាប់ហេតុផសថា ដែលលោកជ្រើសរើសយក ដាវ នីម ដោយសារតែគាត់ពិតជាខំប្រឹងប្រែងបានល្អនៅលើទីលាន ហើយយើងបានវិភាគ ទៅលើដាវ នីម ហើយចង់ឲ្យដាវ នីម ស៊ាំជាមួយក្រុម ។
លក្ខណ្ឌទី១ ដែលយើងចង់ជ្រើសរើស នេះគឺយើងចង់បានកីឡាករដែលមានឆន្ទះពិតប្រាកដនៅលើទីលាន នឹងចង់ក្លាយជាកីឡាករជម្រើសជាតិ ៕
