កន្លងមកគ្រូបង្វឹកអេស្បាញលោកPochettinoតែងតែបន្តព័ត៌មានអំពីការចាកចេញពីក្លឹបទាំងគួរឲ្យភ្ញាក់ផ្អើលដោយសារតែបញ្ហាមួយចំនួនជាមួយនឹងការតាំងចិត្តរបស់ប្រធានក្លឹបលោកDaniel Levyជាពិសេសអំពីការដោះដូរកីឡាករចំណូលថ្មីរបស់ក្លឹប។
កាសែតអង់គ្លេសThe Mirrorនៃចក្រភពអង់គ្លេសនៅថ្ងៃសៅរ៍នេះបានសរសេរថាកិច្ចចចារគ្នាមួយចុងក្រោយរវាងគ្រូបង្វឹកលោកPochettinoនិងប្រធានក្លឹបលោកDaniel Levyត្រូវបានធ្វើឡើងហើយត្រូវបានគេជឿជាក់ថាផ្តោតសំខាន់ទៅលើអនាគតរបស់គ្រូបង្វឹករូបនេះជាមួយនឹងក្លឹប។
Pochettinoដែលបានជួយឲ្យក្លឹបក្លាយជាជើងឯករងពានរង្វាន់ធំបំផុតរបស់អ៊ឺរ៉ុបChampion Leagueជាលើកដំបូងកាលពីរដូវកាលមុននោះក្រោយបញ្ចប់ការចចារគ្នាលើកនេះបែរជាបានធ្វើការប្រកាសប្តេជ្ញាចិត្តសាជាថ្មីអំពីអនាគតរបស់ខ្លួនជាមួយនឹងSpursដោយក្នុងនោះក៏បានបញ្ជាក់ផងដែរថាគោលគំនិតរវាងលោកនិងម្ចាស់ក្លឹបលោកLevyគឺមានភាពដូចគ្នាខ្លាំងដើម្បីលទ្ធផលរបស់ក្លឹបដែលនេះមានន័យថាPochettinoនឹងមិនមានការផ្លាស់ចេញពីទីនេះឡើយ៕
ប្រែសម្រួល:Lee
