កីឡាករសញ្ជាតិព័រទុហ្កាល បាននិយាយថា គាត់អាចនឹងបោះបង់ទីលានប្រកួតចោល នៅឆ្នាំក្រោយ ឬក៏រងចាំ រហូតដល់គាត់មានអាយុ ៤០ឆ្នាំ ។
បច្ចុប្បន្ន Ronaldo មានអាយុ ៣៤ឆ្នាំ ប៉ុន្តែខ្សែប្រយុទ្ធរបស់ Juventus នៅតែបន្តស្វែងរកគ្រាប់បាល់បាន ហើយក៏ជាប់ឈ្មោះជាកីឡាករល្អ ។ មានការងឿងឆ្ងល់ថា ហេតុអ្វីគាត់ចាស់ហើយ នៅតែអាចលេងបានល្អ ។
ក្នុងបទសម្ភាសន៍ថ្មីៗ ជាមួយស្ថានីយ៍ទូរទស្សន៍ក្នុងស្រុកមួយ អតីតកីឡាករ Real Madrid បានចែករំលែកនូវរឿងភ្ញាក់ផ្អើល នៅពេលគេសួរអំពីការបោះបង់ទីលានប្រកួតចោល នឹងពេលវេលា ត្រៀមចូលនិវត្តន៍ ។
ជាមួយសំនួរស្តីអំពីអនាគតនេះ កីឡាករ CR7 បានលើកឡើងថា ប្រហែលខ្ញុំ នឹងឈប់លេងនៅឆ្នាំក្រោយ ឬក៏បន្តលេងរហូតដល់អាយុ ៤០ ឬ៤១ឆ្នាំ ។ លោកបន្តថា មិនទាន់បានគិតរឿងឈប់លេងនេះទេ ខ្ញុំមិនទាន់ដឹងពេលវេលា ឲ្យប្រាកដ ព្រោះខ្ញុំតែងតែរីករាយ ជាមួយបាល់ទាត់ វាគឺអស្ចារ្យណាស់ ហើយខ្ញុំនឹងបន្តរីករាយជាមួយវាទៀត ៕
