កីឡាករ៖ ពីរប្រកួតក្នុងការបើករដូវកាលថ្មី នៅលើទឹកដីអង់គ្លេស ក្លិបហង្សក្រហម និងកាំភ្លើងធំហាក់ឡើងកូដ ដោយបាននាំគ្នាឡើងលេខ ១ និងលេខ២ ។ ឱកាសថ្មីនេះ ក៏ព្រោះតែ ការប្រកួតរវាងក្លិបមេឃខៀវ ជាម្ចាស់ផ្ទះ ធ្វើមិនបានជោគជ័យ ដោយត្រឹមតែស្មើ ជាមួយមាន់ខ្នាយមាស Spurs ប៉ុណ្ណោះ ។
លទ្ធផល 2-2 រវាងម្ចាស់ផ្ទះ មេឃខៀវ និងមាន់ ដោយគ្រាប់បាល់ទី១ ម្ចាស់ផ្ទះរកបានដោយ Raheem Sterling នៅនាទី២០ ប៉ុន្តែ Erik Lamela រកតាមស្មើនៅនាទី២៣ ។ នៅនាទី៣៥ មេឃខៀវទទួលបានឱកាសថ្មីនាំមុខម្តងទៀត តាមរយៈគ្រាប់បាល់របស់ Sergio Aguero ។ បញ្ចប់តង់ទី១ មេឃខៀវនាំមុខ 2-1 ។ អ្វីពិតជាប្រែប្រួលដរាបណា នាទីនៅមិនទាន់បញ្ចប់ក្នុងការប្រកួត ដោយនាទី៥៦ ក្នុងតង់ទី២ កីឡាករ Lucas Moura បានជួយឲ្យមាន់ខ្នាយមាសតាមស្មើ និងជាលទ្ធផល រហូតដល់បញ្ចប់ការប្រកួត ។
ការចែកពិន្ទុគ្នា ម្នាក់១នេះ បានធ្វើឲ្យ មេឃខៀវ ស្ថិតនៅលេខរៀងទី៣ មាន ៤ពិន្ទុ ខណៈដែល ហង្សក្រហម និង កាំភ្លើងធំ មាន ៦ពិន្ទុ ក្នុងដៃពេញ។
ទស្សនាវីដេអូឃ្លិបដូចខាងក្រោមនេះ ៖
