Danny Ings បានចូលរួមលេងជាមួយ Southampton ជាផ្លូវការក្នុងលក្ខណៈផ្ទេរជាអចិន្ត្រៃយ៍ ក្រោយបានខ្ចីជើងពី ហង្សក្រហម នារដូវកាល មុន។
កីឡាករ Ings បានចាកចេញពីហង្សក្រហម កាលពីខែសីហា ឆ្នាំ២០១៨ ដោយលេងក្នុងលក្ខណៈខ្ចីជើង ប៉ុន្តែពេលនេះ បានចុះហត្ថលេខា ជាមួយ Southampton រយៈពេល ៣ឆ្នាំ ក្នុងតម្លៃទីផ្សារ ២០លានផោន។
កីឡាករខ្សែប្រយុទ្ធ អាយុ ២៦ឆ្នាំនេះរកគ្រាប់បាល់ជូន ពហុកីឡដ្ឋាន St Mary’s Stadium ចំនួន ៨គ្រាប់ ក្នុងចំណោម ២៥ប្រកួត នារដូវកាលកន្លង ។
Ings បានប្រាប់គេហទំព័រក្លិបថា លោកពិតជាមានអារម្មណ៍ថាល្អណាស់ ឥលូវនេះ បានចុះហត្ថលេខាពេញសិទ្ធិ ជាមួយ Southampton ហើយពិតជាមានអារម្មណ៍អស្ចារ្យ ខុសពីប៉ុន្មានឆ្នាំមុនឆ្ងាយណាស់ ដោយកាលនោះមានអារម្មណ៍ថា បាក់ទឹកចិត្ត៕
