Atletico Madrid កំពុងធ្វើការក្រាញននៀលព្យាយាមល្បូងយកខ្សែប្រយុទ្ធឆ្នើមរបស់ ក្លិប Benfica មកកាន់ទឹកដី La Liga ។ថ្វីបើអ៊ីចឹងមែន ក្លិបលេខរៀងទី២ នៃលីកអេស្ប៉ាញនារដូវកាលចាស់ នឹងប្រឈមមុខបន្តិចលំបាកក្នុងការផ្ទេរក៏ព្រោះតែកីឡាករ Joao Felix នេះកំពុងត្រូវបាន ក្លិបជាច្រើនទាក់ទាញយក។
Felix បានចូលរួមអាជីពដំបូងនៅ Porto ហើយក៏បានផ្លាស់ទៅកាន់ Benfica ក្រុម U17 ក្រោយពីបានបង្ហាញទម្រង់លេងយ៉ាងខ្លាំងជាមួយក្រុម ក៏ត្រូវបានឈុតធំហៅមកលេង ហើយកីឡាករ អាយុ១៩ឆ្នាំនេះ រកបាន១៥គ្រាប់ បញ្ចូនបាល់ឲ្យមិត្តរួមក្រុមសម្រេចទី ៩លើក ក្នុងចំណោម ២៦ ប្រកួត។
ក្លិប AT កំពុងស្វះស្វែងរកខ្សែប្រយុទ្ធថ្មីមកជំនួស ក៏ព្រោះតែ Antoine Griezmann ចង់ចាកចេញពីទឹកដី អេស្ប៉ាញ ។ កីឡាករសញ្ជាតិបារាំង នេះបានព្យាយាមប្រកាសចាកចេញកាលពីខែឧសភា ។
ប្រភពព័ត៌មានរបស់ BBC បានចុះថា ពហុកីឡដ្ឋាន Los Rojiblancos នឹងព្យាយាមបោះទុន £107.5m ដើម្បីយកកីឡាករនេះមកកាន់ក្លិប។
ប្រសិនបើតម្លៃនេះកើតឡើងមែន ក្នុងទីផ្សារផ្ទេរកីឡាករ Felix នឹងក្លាយជាអ្នកទី៥ មានតម្លៃក្នុងប្រវត្តិសាស្ត្រ បន្ទាប់ពី Neymar, Kylian Mbappe, Philippe Coutinho និង Ousmane Dembele ៕
